Home Notisia Media nia Kobertura Importante Konaba COVID-19, KM Sei Diskuti Oinsa Proteje Jornalista

Media nia Kobertura Importante Konaba COVID-19, KM Sei Diskuti Oinsa Proteje Jornalista

352
0
Secretario Estadu Komunikasaun Sosial [SEKOMS], Merico Juvinal dos Reis. [Foto: Francisco JDA | 23.03.2020]

Reportazen Francisco JDA

Secretario Estadu Komunikasaun Sosial [SEKOMS], Merico Juvinal dos Reis hala’o enkontro ho lider bankada sira iha Parlamentu Nasional, hodi koalia konaba pedidu urjensia ba Lei Jestaun Finansas nian no Virus Corona

Mericio Juvinal do Reis ba jornalista sira hateten SECOMS nudar membru konjunta ba informasaun, atu asegura, fo asesu makas ba media sira nune’e bele halo kobertura no notisia kona ba progresu Covid-19.

“ Dehan tiha ona ba Ministerio Saude, para fo tempu ba ita boot sira,  bainhira deit presiza. Ita mos husu ona ba ekipa konjunta, atu atualiza informasaun ba publiku,  informa ba media sira hotu. Media importante iha kontexto ida ne’e, Media no Mediku sira mak grupu ida ne’ebe iha oin kedas, hodi konbate Covid-19”, tenik Secretario Estadu komunikasaun Sosial, iha Parlamentu Nasional, 23/03

Mericio hatutan se ekipa konjunta sira la fo fo informasaun ba media sira, bele informa ba SEKOMS, hodi nune’e bele SEKOMS bele halo konfirmasaun ba sira.

“Hau deklara ba ita boot sira, SEKOMS sei garante ita boot sira, para tenke hetan informasaun lolos hosi Ministerio Saude ou Organizasaun Mundial Saude [OMS] iha prekupasaun karik labele nonok hato’o kedas”, tenik Mericio Juvinal do Reis

SEKOMS deskute ona kona ba oinsa mak atu garante no prevene jornalista sira nia servisu iha terenu liga ho Covid-19, tanba ne’e mak SEKOMS hato’o ona ba iha ekipa konjunta, no hetan solusaun rua mak RTTL.Ep rasik sei prepara,  buka dalan kontinua apoia masker no luvas ba media sira.  Ekipa konjunta sei konsidera, maibe media ida-idak tenke asegura ninia jornalista, preokupasaun sira ne’e tama ona iha ajenda diskusaun, ohin sei hato’o tan iha Konselho Ministro oinsa mak bele proteje media sira.



Tips hosi Redasaun Neon Metin konaba Prevene an hosi COVID-19:

  1. Fase liman bebeik ho sabaun no bee
  2. Habai an iha loron manas [Ultra Violet] tanba bele ajuda hamate bakteria ka virus iha ita nia isin lolon.
  3. Konsume ka hemu bee barak atu bele hamate bateria iha ibun laran
  4. se sente isin manas, mear no inus been bele hela iha uma laran no hadook an hosi ema seluk, no kontaktu centro saude ne’ebe besik



LEAVE A REPLY

Please enter your comment!
Please enter your name here