Home Notisia Ekipa Akademika Derota 3-1 VS AD.SLB, Monica: AD.SLB Ekipa Zigante

Ekipa Akademika Derota 3-1 VS AD.SLB, Monica: AD.SLB Ekipa Zigante

446
0
Ekipa Akademika VS AD.SLB iha jogu voleubol. [Foto: Ricky Samlelo | 11.11.2020]

Reportazen Henrique S. De Jesus

Liga Voleibol Feto nian ne’ebe realiza iha kampu Sekretariu Estadu Juventude no Desportu (SEJD), iha loron 10/11, ekipa klubu AD.SLB feto konsege halakon klubu Akdemika feto ho rezultadu ikus 3 vs 1.

Kapitaun klubu Akdemika, Monica XImenes ba jornalista Neon Metin hateten rekonnese katak ekipa Akademika lakon hasoru ekipa AD.SLB hp rasaun tanba menus preparasaun no konsidera AD.SLB hanesan ekipa zigante (boot).

“Saida mak ita hare iha jogo ne’e ida ne’e mak ami nia esforsu an maibe ami la konsege manan, Onestu deit katak durante ne’e mos ami nia preprasaun menus tebes, no SLB mos hanesan ekipa Zigante ami nia esforsu durante ne’e atu manan mais susar no ami konsege manan sira dal ida deit husi eventu sira hotu durante ne’e. Durante jogo ba dala tolu ne’e ami lakon dalarua no manan dala ida, ami manan Citra Mares 3-0”,dehan Monica iha Kampu SEJD,10/11.

Entertantu, Treinador, Sofonias Soares hateten jogador Akadémika ladun iha vontade tamba menus preparasaun, prestasaun jogador mos dalaruma sempre iha mudansa, no konsodera AD.SLB mos mai ho jogador ne’ebe mak diak deit.

“Hare ba jogo ida ohin realidade SLB Manan tamba hare husi Materia jogador akademika ladun iha vontade diak ba joga tmaba preparasaun mos menus liu, slb ne’ebe mai ho ninia jogadorne’ebe mak diak gaña jogo ne’e. Falla ne’ebe mak akademiku iha tenki hadia iha jogo tuir mai para bele manan iha jogo tuir mai”, dehan Sofonais

Nia dehan maske ohin lakon maibe ida ne’e mak realidade husi jogu,  tenki iha ida lakon no manan, kada vez mos iha tempu balun jogador diak no iha tempu balun mos jogador joga ladiak, oinsa atu bele ezekuta tékniku ne’ebe iha. Tamba buat hotu kompetensia iha jogador se ladiak sempre iha fallansu.

Tuir observasaun jornalista Neon Metin nian iha kampu, iha set primeiru ekipa AD.SLB ne’ebe lidera kedas ho pontos mihis 27-25, kontinua ba set segundu AD.SLB hasae liu tan ninia ritmu jogu hodi halakon Akadémika ho Pontos 25-18. Hafoin lakon tiha iha set rua ne’e, ekipa Akadémika mos lakohi lakon no hatudu jogu ne’ebé diak, hodi hamihis skor ba 2-1, manan set terseiru (3) ho pontos 25-22. Maske lidera iha set terseiru (3) ikus mai ekipa akadémika tenki lakon ho skor 3-1, Bainhira AD.SLB Manan iha Set daha’at nian ho pontos 25-13.

Print Friendly, PDF & Email

LEAVE A REPLY

Please enter your comment!
Please enter your name here