Home EduTek Vitima Ba Cibernétiku, Zevonia: Jovem Sira Presiza Iha Konnesementu Digital Literacy

Vitima Ba Cibernétiku, Zevonia: Jovem Sira Presiza Iha Konnesementu Digital Literacy

529
0
Prezidente AJTL, Zevonia Vieira.[Foto; Francisco JDA | 10.11.2020]

Reportazen Francisco JDA

“Violensia cibernetiku hasoru feto mak hanesan abuzu sexual, foti identidade, ameasa, buka informasaun hodi halo abuzu sexual, ameasa, monitoriza no hatene joven feto nia hela fatin/eskola”. Zevonia Vieira

Relasiona ona ho Loron Nasional Juventude nian, ne’ebe monu iha loron 12 Novembru, ne’ebe hanesan mos loron istoriku ho naran Masakre 12 Novembru 1991, iha komemorasaun tinan 2020, Alumi Parlamentu Foinsa’e Timor-Leste (APFTL), Centro Juventude Comoro, UNE-TL, CVTL organiza seminariu nasional ho tema “Jovem Autor ba HArii Sosiedade Rezilente”, ho nune’e jovem sira hetan ona informasaun konaba sira nia papel hodi harii sosiedade rezilente.

Iha seminariu ne’ebe realiza iha salaun Delta Nova, Prezidente Asosiasaun Jornalista Timor Lorosa’e (AJTL), ne’ebe sai orador hodi koalia konaba oinsa joven sira iha kapasidade, hodi reziste abuzu sexual online, hate speech, disinformation, fake new and hoax?

Iha Prezidente AJTL nia aprezentasaun esplika katak iha era digital hahalok la diak hanesan  violensia sexual, bullying, hoax ka informasaun falsu, fake news ka nutisia falsu no hate speech ka liafuan odiu dala barak sei akontese to’o ohin loron no sai vitima ba iha era digital mak feto no labarik feto sira, relasiona ho peskiza hosi Plan International.

Nia dehan violensia cibernetiku hasoru feto mak hanesan abuzu sexual, foti identidade, ameasa, buka informasaun hodi halo abuzu sexual, ameasa, monitoriza no hatene joven feto nia hela fatin/eskola etc. Publika imajen intimu mak la tuir konsensu, hakerek, koalia, ka hasai imajen promove odio tanba ema nia sexu ruma ka uza liafuan sexist sira, faan labarik, hasai video labarik ba intensaun sexual, defamasaun, bullying (halo tauk, halo monu ema nia fiar-an, goza no objetivu atu hatun ema), ne’ebe akontese barak liu iha Sosial Media hanesan facebook no seluktan.

Iha aprezentasua ne’e Zevonia mos aprezenta konaba diferensia entre hoax ka informasaun la los, fake news ka nutisia falsu no hate speech ne’ebe to’o ohin loron sempre sai diskusaun iha mundu digital.

“Foinsa’e sira ne’ebe utiliza sosial media presiza iha konnesementu konaba digital literacy, oinsa patrilha informasaun iha sosial media oinsa uza sosial media ho responsabilidade no positivu, atu nune’e bele promove hahalok positivu no informasuan positivu iha mundu digital”, hateten Zevonia iha Delta Nova, 10/11.

Zevonia informa katak tuir dadus hosi datareportal digital 2020 ba Timor-Leste, numeru utilizador internet no sosial media iha 515,100 no ema uza sosial media hamutuk 410,000 data to’o Janeiru 2020.

Nia dehan importania etika uza sosial media mak tenke iha etika komunikasaun, hadook-an hosi SARA, pronografi no asaun violentu, cross check informasaun ka nutisia antes share, respeite ema seluk nia produtu (plagiat) no lalika fahe demais informasaun privadu (tau nomor telefone iha Status, hodi asegura account ne’ebe uza.

Alende konaba violensia iha internet, iha mos orador hosi World Health Organization (WHO) ne’ebe foka konaba ”Oinsa mak joven sira iha kapasidade no komportamentu saudavel ? Saida mak joven sira presija halo atu tulun sosiedade hodi sobrevive, adapta no reziste iha situasaun Pandemia COVID-19?

Print Friendly, PDF & Email

LEAVE A REPLY

Please enter your comment!
Please enter your name here