Home Notisia Motorista Transporte Publiku Ezije Sira nia Direitu Iha MSSI, Egas: Movimentu Laiha,...

Motorista Transporte Publiku Ezije Sira nia Direitu Iha MSSI, Egas: Movimentu Laiha, Ami La Simu Salariu

416
0
Motorista transporte publiku sira iha MSS. [Foto: Francisco JDA | 04.05.2020]

Reportazen Francisco JDA

Relasiona ho Estadu Emerjensia ne’ebe governu implementa hodi limite movimentu sidadaun sira nian, liu-liu ba transporte publiku sira ho razaun atu evita virus Corona liu hosi distansia sosial no fisiku no governu mos prepara ona subsidiu hodi apoiu motorista Bus, Mikrolet no Taxi hodi bele hakmaan sira nia susar durante Estadu Emerjensia.

Bazea ba apoiu ne’ee governu sei fo liu hosi rekuperasaun rendimentu ekonomia ho 60% maibe programa ne’e sei liu hosi nain ba kompania sira mak prosesa no aprova ona iha Konsellu Ministru, maibe la tuir motorista sira nian hanoin, ohin loron 4 Maiu motirista sira ba halo protesta iha Ministeriu Solidariedade Sosial no Inkluzaun, hodi ezije sira nia direitu

Tuir Porta Voz Asosiasaun Motorista, Egas Ximenes da Costa ba jornalista sira hateten, hare ba nesesidade ne’ebé limitadu ohin mai ezije ami nia direitu tuir programa rekuperasaun ekonomia ne’ebé aprova ona iha Konselho Ministru.

“Tuir informasaun ne’ebé ami rona katak tenke liu hosi kompania, nune’e ami motorista bele kategoria hanesan trabalhador, tanba durante ne’e ami la’ós trabalhador tanba la iha kontratu entre patraun no motorista,  tanba ne’e ami mai tenki ezije ami nia direitu, atu liu hosi kompanha ou pesosal mai hatama dokumentu, maibé sistema kontrola ne’e fila fali ba Ministeriu”,  tenik Motorista Egas Ximenes iha Resintu Ministeriu Solidariedade Sosial no Inklusaun, Kaikoli 04/05

Egas Ximenes realsatan atu identifika ba transporte publiku, ne’ebé durante ne’e halai ou lae ne’e kompentesia Ministeriu Solidariedade Sosial Inklusaun ne’ebé parseria ho Diresaun Nasionál Transporte Terrestre mak hatene.

“Atu tur hamutuk ho Patraun sira ne’e sira labele follow up mai ami, tanba ami ne kundoutor. Patraun balun informa maibé Patraun balun la iha, nia so hatene simu osan de’it wainhira nia kareta la halai, la iha movimentu la iha salariu”,  tenik Portavoz  Asosiasaun Motorista Egas Ximenes

Iha fatin hanesan, Motorista Bus Dili-Ermera, Sertoriu Soares sente konfuzaun tebes ba situasaun ne’e, tanba atu rekupera ekonomia ne’e ba municipiu tomak ou motorista Iha Dili laran de’it tanba estadu emergencia ne’e la’ós Dili laran de’it maibé Timor Tomak. “Durante ne’e ami kumpri tebes ba regra Estadu Emergencia no Covid-19, durante fulan rua la la’o ami mós araska tan, ami nia kareta para totál ne’ebé la hetan osan, maibé rekuperasaun ekonomia ne’e iha Dili laran de’it ou ba mós municipiu sira”, tenik Motorista halai Dili Ermera Sertoriu Soares

LEAVE A REPLY

Please enter your comment!
Please enter your name here