Home Notisia DNMG Relata, Informasaun Lansa Iha MedSos Konaba Tsunami Atu Akontese Nee Hoax

DNMG Relata, Informasaun Lansa Iha MedSos Konaba Tsunami Atu Akontese Nee Hoax

1502
0
ilustrasaun tsunami ka tasi sae. [Foto: Copyright Effectual | 05.04.2021]

Reportazen David da Costa Gusmao*

Liu hosi komunikadu imprensa ne’ebe Neon Metin asesu iha loron segunda 5/0) hosi Diresaun Nasional Meterologia e Geofisika (DNMG), relata katak relasiona ho informasaun neebe espalha iha publiku, liu-liu iha media social (MedSos) katak komesa loron 05/04/2021 ba oin Timor-Leste sei enfrenta tasi sae no anin boot ka mosu Tsunami ne’e informasaun falsu ka hoax.

Diretor Diresaun Nasional Meterologia e Geofisika (DDNMG), Tereneio T. Fernades Moniz hateten, tamba sa mak DNMG konsidera katak publiksaun hirak nee FALSU/HOAX? tanba  Fontes ne’ebe fo informasaun falsu hirak ne’e, laos professional iha area no la iha ligaseun ho instituizaun relevantes ne’ebe mak toma konta ba dezastre iha Timor-Leste, informasaun sira ne’e la tuir padraun serbisu meteorologikus no geofisika nian.

“Sistema meteorolojiku baixa presaun (low pressure) ne’ebe antes ne’e lokaliza iha tasi Timor no agora dadaun desloka ona ba tasi NTT, sei la implika ka kauza tsunami ihe teritoriu nasional Timor-Leste nian”, nia klarifika

Nia esplika tan maske sistema refere desloka ka ses ona hosi wini Timor, maibe Timor-Leste sei nafatin experimenta udan no anin ho intensidade FRAKU-MODERADA, prinsipalmente iha Costa Norte, reijaun central inklu RAEOA, signfika katak iha loron hirak tuir mai laiha  probabilidade atu hamosu eventu extreme ruma ligasaun ho atmosfera no tasi iha tertoriu nasional.

Nia husu ba komunidade em-jeral iha teritoriu Timor laran hotu, atu kalma no nafatin akompanha  informasaun ba kondisaun tempu hosi fontes neebe  konfiavel no kredivel, liu-liu instituisaun ka autoridade ne’ebe serbisu iha ramu Redusaun Risku Dezastre.

*(David da Costa Gusmao nudar estudante ne’ebe estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here