Reportazen David da Costa Gusmao*
Relasiona ho progresu buka tuir kontaktu besik husi Cluster Klauhalek no Cluster Onu-laran iha muncipiu Covalima, ohin Ministeiru Saude liu husi sala situasaun Centro Integradu Jestaun Krize (CIJK) rejista tan kazu foun nain-5 iha klauhalek.
Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Araújo informa ba jornalista sira katak atividade prosesu buka tuir konatktu besik cluster Onu-laran, to’o ohin seidauk detekta tan kazu foun.
“Hosi cluster klauhalek” iha loron 3 no 4 Marsu, detekta tan kazu foun konfirmadu nain-5, nain-3 husi aldeia Baleo no nain-2 husi aldeia Mane kiik”, dehan Dr. Rui ba jornalista sira iha CIJK iha CCD Merkadu lama, 05/03.
Nia esplika aldeia rua ne’e viziñu ho aldeia Klauhalek no pretense hotu ba suku Belulik Leten. Hamutuk hotu ho cluster Kalauhalek, iha kazu konfirmadu nain-12, husi kazu konfirmadu nain-5 ne ‘e , nain-3 estudante Eskola Bazika Central Fatumea, kazu Konfirmadu hirak ne’e, oras ne’e evakua ona mai Dili. Nia haktuir ekipa Konjunta Saude Muncipiu Covalima, hamutuk ho sentru Saude Fatumea, nafatin buka-tuir kontaktu sira hotu, inklui estudante sira iha Eskola Bazika Central Fatumea.
*(David da Costa Gusmao nudar estudante UNTL ne’ebe estajiu iha Neon Metin)
