Reportajen Joselina dos Santos
Tékniku Sekretariadu Nasional Partidu Kongresu Nasionál Rekonstrusaun Timor (CNRT), ohin Submete ona lista kandidatura deputadu no deputada ba iha Tribunal Rekursu (TR), hodi bele hetan legalizasaun atu kompete iha eleisaun parlamentar tinan 2023, no iha lista CNRT ne’e feto 30%.
Tékniku Sekretariadu Nasional Partidu Partidu CNRT, João Zito Viana hateten, Ohin partidu CNRT submete lista kandidatura efetivu 65 no suplente 25 tuir lei haruka, no ohin mós tuir kalendariu markasaun ba eleisaun nian no submisaun kandidatura partidu politiku sira nian ba eleisaun parlamentar 2023.
“Ami kumpre no hatama ona ami nia kandidatu sira nia lista ba iha Tribunal Rekursu hodi bele kompete iha eleisaun parlamentar tinan 2023”, dehan, Tékniku Sekretariuladu Nasional Partidu Partidu CNRT João Zito Viana iha Edifisiu TR Kaikoli, 15/03.
Nia dehan, Tribunal Rekursu simu ho diak tanba dokumentu sira ne’e kompletu, no laiha reklamasaun ruma ne’ebe CNRT atu kompleta, Dokumentu hirak ne’e kompletu tuir rekizitu lei eleitorál nian, tanba prepara iha semana rua nia laran no ohin sira entrega, iha lista ne’e Partisipasaun feto 30% entaun ida ne’e signifika katak sira kumpre ona ba lei.
