Home Notisia CIJK: Pasajeiro nain 35 La Admite Tama UK Tanba Razaun Seluk, Laos...

CIJK: Pasajeiro nain 35 La Admite Tama UK Tanba Razaun Seluk, Laos PCR Test

133
0
Aviaun Malindo iha aero porto Nicolau Lobato. [Foto: David da Costa | 27.04.2021]

Reportazen Zevonia Vieira no David da Costa

“se fosse sira preinxe kriteriu sira seluk, sira hetan permisaun atu halo viajem, wainhira halo fali test COVID ho rezultadu negativu, hanesan mós ho Timoroan sira seluk ne’ebé halo duni viajen, tamba prazu limite test nian 72 oras liu tiha ona”. CIJK

Problema ne’ebe sai polemika iha sosidade liu-liu ba pasajeiro hamutuk 35 ne’ebe ho Malindo Airlines, infrenta problema iha Kuala Lumpur no labele halo viajem ba Englatera, tanba tuir informasaun hosi Pedro Carascalao katak British High Commissioner hateten, kualidade PCR Timor nian laiha kualidade, nune’e pasaporte timor sira labele halo viajem ba Englatera ho aviaun KLM.

Ba kestau ne’e liu hosi komunikadu imprensa Centro Integradu Jestaun Krize (CIJK) hatan ba problema ne’ebe mosu, esplika katak husi pedidu klarifikasaun liu husi kanál diplomatiku ne’ebé Embaidaxa Timor-Leste iha Malaysia halo, Ofisiál Ligasaun husi British High Commission iha Kuala Lumpur informa katak, relasiona no sira nian 35 ne’ebé tenki fila mai Timor-Leste hakerek iha English katak ‘’Each passenger was assessed, and a decision made to determine if they were admissible to the UK. Those deemed so were allowed to travel onwards once new COVID Tests had been conducted and negative results received.’’ (kada pasajeiro iha ona rezultadu no iha desizaun hodi determina katak sira bele tama Reino Unido. Sira hetan konsiderasaun no hetan autorizasaun hodi halo viajem depois de halo teste COVID foun iha Malaysia no nia rezultadu negative).

Hosi resposta refere, CIJK esplika katak pasajeiru nain 35, la admite tama iha UK ka Reino Unido tanba razaun seluk, “se fosse sira preinxe kriteriu sira seluk, sira hetan permisaun atu halo viajem, wainhira halo fali test COVID ho rezultadu negativu, hanesan mós ho Timoroan sira seluk ne’ebé halo duni viajen, tamba prazu limite test nian 72 oras liu tiha ona”.

Iha parte sorin iha loron Pedro Carascalao ne’ebe nudar responsavel ba aluga aviaun Malindo, iha entrevista ho jornalista iha aero porto loron 24/04, bainhira pasajeiro to’o Timor, nia informa katak bainhira iha hotel iha Kuala Lumpur, British High Commissioner investiga pasajeiro sira no halo PCR test, deteta fali Timor oan nain ida pozitivu COVID-19 no agora dadaun halao izolamentu iha Malaysia

“Iha oportunidade ida ne’e mos  deskonfia katak PCR ne’ebe halao iha Timor-Leste laiha kualidade, entaun hau mos duvidas karik ho razaun ida ne’e mak haruka sira fila, maibe ne’e hanesan deskonfia deit tanba iha Timor-Leste, OMS no Australia mos ajuda ita ba test PCR laboratoriu nian, maibe atu responde ida deskonfia ida ne’e governu Malaysia no Timor-Leste mak sei komunika ba malu,” nia dehan.

Print Friendly, PDF & Email

LEAVE A REPLY

Please enter your comment!
Please enter your name here