Home Memoria Dr. Rui: Joven Presiza Respeita Mos Frente Klandestina Tanba Sira Firme

Dr. Rui: Joven Presiza Respeita Mos Frente Klandestina Tanba Sira Firme

1743
0
Dr. Rui sai orador iha seminariu iha UNTL. [Foto: Adalgisa Pereira | 08.09.2020]

“Klandestina sira nee iha rai laran, inimigu kaer no lori ba prizaun no tortura halo buat oioin, maibe sira firme nafatin, mate ka moris ukun rasik an.  Firmesa nee importante tebes tan implika espiritu sakrifisiu”. Dr. Rui

Liu hosi seminariu konaba valores rezistensia nia, ne’ebe organiza hosi Assosiasaun dos Kombatentes e Veteranus da Luta Libertasaun Nasional (ACVLLN) hamutuk ho Universidade Nasional Timor Lorosa’e (UNTL), orador Dr. Rui Araujo hateten joven sira tenke respeita mos frente klandestina nia kontribuisaun ba luta ne’e, laos deit frente armada no diplomasia

“Ba belun sira kompaneiru sira ne’ebe partisipa iha resistensia klandestina, liu-liu sira ne’ebe liu husi inimigu ninia tortura, se laiha firmesa sira faan tiha ona rai ida nee, sira balun mak tur iha nee, joven sira presiza respeitu sira no firme, laos deit frente armada.  Sira halo kombate kilat mak firme, laos deit frente diplomatika mak firme”, dehan Dr.Rui Maria de Araújo 

Nia afirma sira nee iha rai laran, inimigu kaer no lori ba prizaun no tortura halo buat oioin, maibe sira firme nafatin, mate ka moris ukun rasik an.  Firmesa nee importante tebes tan implika espiritu sakrifisiu.

Iha fatin hanesan partisipante Juliana Marques Abilio husi Universidade Dili Departamentu Relasaun Internasional hateten, liu hosi seminariu ida nee, loke ita nia hanoin luta neebe sira uluk halo

“iha valores resistensia nasional iha buat 3 ne’ebe hau sita iha neba mak amor da patria ka hadomi ita nia rai, segunda ideologia lolos husi resistensia mak saida no treiseiru mak sakrifikasaun ne’ebe mensiona katak maske tempu antigo iha tinan 1975, maske ho sira nia matenek ne’ebe limitadu maibe sira ho fiar ida deit katak Timor ukun an”, dehan Juliana Marques Abilio

Orador ba aktividae refere mak hanesan Dr.Rui Maria de Araújo ne’ebe reprezentante rente klandestina, Dr.Roque Rodrigues reprezenta Frente diplomasia no reprezentante Frente armada nak Major-Jenerál Lere Anan Timur maibe la marka prezensa no  hetan partisipasaun husi dosentes, estudante UNTL no UNDIL.

Print Friendly, PDF & Email

LEAVE A REPLY

Please enter your comment!
Please enter your name here