Home Notisia Dinamika Istoria Masakre nian, Hugo: Prezerva Memoria Pasadu, Hodi Ita Bele Rai

Dinamika Istoria Masakre nian, Hugo: Prezerva Memoria Pasadu, Hodi Ita Bele Rai

272
0
CNC realiza seminariu konaba Dinamika istoria masakre. [Foto:Adroaldo | 08.09.2020]

Reportazen Adroaldo ‘Saretukau’

Centro Nasional Chega! (CNC) koopera ho Asosiasaun Levantamentu Armada no Masakre Kraras no Klibur Intelektual Bibleo, realiza semináriu nasional ida ho tema “Dinámika Istória Levantamentu iha kontextu Orden Komandu no Prespektiva Istória ba Levantamentu Nasional.

Liu hosi diskursu Diretor Ezekutivu CNC,Hugo Maria Fernades hateten Centro Chega! hateten semináriu ida ne’e iha intesaun boot rua katak hakarak hatutan mémoria ba jerasaun foun sira, atu labele hare levantamentu sira ne’e nu’udar levantamentu lokalizadu ida, levantamentu sira ne’e hotu maske iha fatin keta-ketak, maibé ida ne’e nu’udar estratejia reorganizasaun rezisténsia boot ida no dezafia jerasaun foun sira, para sira bele tulun dokumenta, tulun prezerva memóra pasadu nian, para antes ita nia jerasaun tuan sira ne’e mate, sira nia memória iha ita bele rai.

Nia haktuir Brigadeiru Jeneral Falur Rate Laek hatete katak levantamentu sira ne’e nu’udar produtu ida hosi servisu klandestina nian, se servisu klandestina la la’o karik, levantamentu sira ne’e la akontese.

“Ohin la’os de’it atu selebra vitória levantamentu nia, para depois ema iha li’ur hatete katak ita nia rezisténsia ne’e sei eziste, maibé mos ita atu fo onra, dignifika no fo rekoñesimentu ba partisipasaun ema nian no komunidade nian iha luta ida ne’e”, hateten Diretor Hugo iha CNC, Balide 08/09.

Iha fatin hanesan Ministru Asuntu Kombateten da Libertasaun Nasional, Julio Sarmento ‘Meta Malik’agradese tanba CNC ho inisiativa ne’ebé di’ak, kontribui no lori ita mai atu fo lembra malu fila fali ba pasadu sira ne’ebé dala ruma ita sente mihis da-dauk, mais kuandu ita lembra di-di’ak ho sentidu sira hanensan ohin, hodi fo motiva boot ida mai ita, saída mak iha tempu ida ne’eba, loron ida ne’eba, pasadu ida ne’eba.

“Ita seidauk haree di-diak masakre sira seluk ne’ebé akontese iha ita nia luta libertasaun ida ne’e, ita seidauk haree di-di’ak, ita seidauk aprofunda didi’ak akontesimentu sira ne’ebé mezmku ki’ik ka boot mas fo sofrimentu no fo vida hodi sosa”, tenik Meta Malik

Sai ba oradores iha semináriu mak hanesan Komandante Másimu ‘Rakyat Terlatih (RATIH) kabupaten Viqueque,Domingos Pinto ‘Nahak’, Brigadeiru Jeneral ‘Falur Rate Laek’, Funu Doek, Ezekutor levantamentu Tiru Sina, Rev. Padre Domingos Maubere, Diretor CNC, Hugo Fernades.  Domings Pinto de Araújo Moniz ‘Atai’, Veteranu Marabia, Agostu de Araújo ‘Tara’, Veteranu, Renato da Costa, Eurico Rosário dos Santos no Vicente Galhos da Silva.

Print Friendly, PDF & Email

LEAVE A REPLY

Please enter your comment!
Please enter your name here