Home Notisia Ministeriu Haat Asina Diploma Ministerial, Berta: Labele Husik Ema Ida Iha Kotuk

Ministeriu Haat Asina Diploma Ministerial, Berta: Labele Husik Ema Ida Iha Kotuk

284
0
MESSK, MEJD, MAKLN no MSSI asina momerandum. [Foto: 08.09.2020]

Reportazen Santina Lucia da Costa

Ministeriu Ensino Superior Siensia no Kultura (MESSK), Ministeriu Edukasaun Juventude no Desportu (MEJD), Ministeriu Asuntu Kombatente Libertasaun Nasional (MAKLN), Vise-Ministra no Ministra Solidariedade Sosial no Inkluzaun (VM-MSSI) asina Memorandu Entendimentu no asina Diploma Ministerial ba prosesu no asesu ba Ensino Superior Publiku ba tinan akademiku 2021.

Objetivu hosi asina momerandum ida ne’e, atu regula prosesu tomak asesu ensino superior nian, portantu diploma Ministerial ne’ebe kria ne’e baze fundamentu mak lei baze edukasaun nian, ne’ebe mak hatur ona iha lei Nu.14/2008, ne’ebe maka estabelese iha artigo 18 no mos dekretu lei Nu.36/2009, ne’ebe maka aprova iha 2 Dezembru, kona-ba rejime juridiku, prosesu asesu ingresu ba Ensino Superior nian.

Ministru Ensino Superior Siensia no Kultura (MESSK), Longuinhos dos Santos hateten MESSK tinan-tinan implementa rejime rua mak hanesan rejime jeral no rejime espesial.

“Rejime jeral hanesan exemplu, ba estudante finalista sira ne’ebe maka akaba husi ensino sekundaria jeral, no tekniku vokasional, ne’ebe mak akaba iha tinan 2020 nian. Ba rejime espesial, hanesan exemplu, oportunidade, rejime espesial oportunidade ida ne’e, ba finalista estudante sira ne’ebe maka akaba ona iha tinan haat (4) kotuk liu ba, liuliu hanesan hahu husi, 2016, mai to’o iha 2019. Iha mos rejime espesial ba Veteranus no Veteranas sira nia oan, difisiente sira.” esplika, MESSK, Longuinhos dos Santos, ba jornalista sira iha Salaun, Ian Martin no INFORDEPE, Balide, Dili, 8/9.

Longuinhos dos Santos informa tinan ida ne’e ita konsege hamosu medida ida maka rejime kbiit laek, ka palavra ne’ebe mak dignifika maka rejime hakbiit no mos ba ofisial PNTL-F-FDTL no selu-seluk tan.

Longuinhos dos Santos akresenta kategoria hamutuk iha rezime espesial total 17, ne’ebe maka konkista iha rejime espesial, hanesan lei ne’ebe mak vigora ona, ne’ebe fo kompetensia liu-liu MESSK.

MESSK dehan iha tinan kotuk elabora no kolabora hamutuk ho entidade ne’ebe maka relevante, nune’e diploma Ministerial bele regula prosesu no asesu Ensino Superior publiku iha tinan akademika 2021 nian.

Iha fatin hanesanV ise-Primeiru Ministra no Ministra Solidariedade Sosial no Inkluzaun, Armanda Berta dos Santos hateten asina nota entendimentu ida ne’e ho instrumentu legal ida prinsipal mak nu’udar aktus legais ida, ba parte rua hatudu dadaun responsabilidade nu’udar estadu nian, liuliu VIII Governu Konstituisional.

“Ho nota entendimentu ida ne’e, importantes tebes, oinsa mak haree ba oin, presija hotu-hotu nia prezensa. Ita mos la taka matan ba sidadaun hotu, tanba ne’e mak ita labele husik sidadaun ida iha kotuk, ita mos envolve ba ema kbiit laek nia oan sira, oinsa mak iha oportunidade para bele tama mos iha rejime espesial”, hateten Armanda Berta dos Santos iha salaun MSS, 08/0

Armanda Berta hatutan implementasaun nota entendimentu ida ne’e laos buat kaman, maibe presija hatur iha prosesu ne’ebe mak ekilibriu no laiha diskriminasaun ba ita nia povu no respeita nafatin regras no rekezitus ne’ebe mak lei vigora.

LEAVE A REPLY

Please enter your comment!
Please enter your name here