Reportazen Bernarda da Costa
Assosiasaun dos Combates e Veteranos da Luta da Libertasaun Nasional (ACVLLN) ho Universidade Nasional Timor Lorosa’e (UNTL) realiza seminar ho tema “Transformasaun dos Valores da Resistensia, Dezenvolvimento Nasional de Timor-Leste ba estudante sira, atu nune’e sira bele hatene konaba valores ba resistensia nian”.
Magnifiku Reitor UNTL, Fransisco Miguel Martins liu hosi seminar ne’e estende valores da resistensia husi frente tolu ne’ebe luta ba libertasaun patria no povo, hanesan Frente Klandestina, Frente Armada no Frente Diplomata.
“Esklarese ba joven sira katak valores da resistensia, atu nune’e sira bele intende valores sira ne’e hodi kaer ba iha prosesu dezenvolvimento nasional hodi ba oin, tamba joven no estudante sira agora dadaun mak sai hanesan futuru lideransa, futuru operador dezenvolvimentu nasional”, dehan Magnifiku Reitor UNTLba jornalista sira iha kampus central UNTL 08/09.
Iha seminario refere frente sira ne’e mai hodi esklarese valores da resistensia, hodi nune’e sira kaer metin nafatin valores sira ne’e hodi hakonu sira nia an atu estuda makas no sai hanesan bukae ida ba sira, hodi kaer metin iha prosesu dezenvolvimentu nasional.
Nia dehan joven foin sira tenke hatene valores resistensia,iha pais ida ne’e hodi hetan ukun rasik an durante 24 anos hanesan Frente Armadas,Frente Klandestina no Frente Diplomata,hodi nune’e iha futuru sira sai hanesan estafeta lideransa bele implementa iha prosesu ba deznvolvimentu nasional.
Iha Fatin hanesan estudante Alcontino Sarmentu foun sente orgullo tamba oradores n’ebe mak fahe informasaun interesante tebes konaba prosesu luta hodi esplika oinsa ita nia resistensia ukun rasik an to’o ohin loron.
“Hanesan gerasaun foun tenke estuda ho prinsipiu sabedoria no hamutuk atu dezenvolve ba iha setor edukasaun, hodi transforma ba setor sira seluk. Valores uluk nian maka patria a morte, justu, firmeza ka sakrifika ita nia an tomak no garante unidade no submisaun interesse partikular nian ba iha publiku, hodi lori nasaun ne’e ba oin”,sublina estudante Alcontino.
Orador sira iha seminariu mak hanesan Dr.Rui Maria de Araujo ho Dr.Roque Rodrigues, no hetan partisipasaun hosi dosentes, estudante husi UNTL no UNDIL
