Home Notisia MACLN ho MESSC Asina Mou Konaba Veteranos ho Martires nia Oan Sira...

MACLN ho MESSC Asina Mou Konaba Veteranos ho Martires nia Oan Sira Asesu Universidade Publiku

485
0
MACLN Ho MESSC asina Memorandum of Understnding. [Foto: David da Costa | 08.09.2020]

Reportazen David da Costa Gusmao

Ministeru ba Asuntu Kombantente Liberatasun Nasonál (MACLN) ho Ministeru do Ensinio Superior, Sensia e Cultura (MESSC) asina Memorandum of Understnding (MOU), konaba atu implementa prosesu de asesu ensinu superior publiku ba tinan 2021, lliu husi regime espesial ba veteranos no martires nian oan sira atu asesu univesidade publiku.

Hafoin asina MoU ba jornalista Ministru ba Asuntu Kombantente Liberatasun Nasonál (MACLN), Julio Sarmento da Costa ‘Meta Mali’ hateten ohin asina ona memorandum no sei fo bolsu estudu ba veteranos no martires nia oan sira iha muncipiu 12 no inklui enklave Oe-cusse, atu bele asesu universidade publiku, maibe mos la taka dalan ba kbiit laek nia ona sira.

“Ita simu no prepara kondisaun ba sira maibe sira mos prepara hodi estuda, atu nune’e universidade simu sira mos ho valor ne’ebe diak, para sira bele eskola iha universidade publiku refere, laos tanba asina deit memorandum depois la estuda, depois obriga ba univesidade ikus labele responde ba mata kuliah ne’ebe dosentu fo, halai sai fali husik eskola mamuk no ami nia kontribuisain asina memoriandum sira ne’e saugati deit”, dehan Julio Sarmento “Meta Mali” iha salaun Ian Martins-Infordepe,  Tersa-feira 8/09.

Tanba ne’e husu ba veteranos no martires nia oan sira, presiza estuda atu nune’e iha valor ne’ebe diak,  atu bele asesu iha univesidade publiku.

Nia haforsa tana prosesu selesaun ne’e sei haree ba iha estudante sira nia valor husi estudu, agora depende mos ba iha UNTL atu simu potensialidade.

“Depois ita haree husi pasadu ida liu ba, kuae universidade simu barak,  ikus mai barak mak sai tiha no sala mamuk, ida ne’e mos prezudika ba ita, hanoin ba eskola mas la ba ho valor ne’ebe diak no esforsu ne’ebe masimu ikus halai sai husi eskola, ida ne’e labele primite hakarak atu ba banku universidade Nasional presiza estuda no matenek dun”,  esplika Meta Mali

Iha fatin hanesan Ministeru do Ensinio Superior, Sensia e Cultura (MESSC), Longuinhos dos Santos hateten objetivo asina Memorandum of Understnding (Mou) ne’e importante tebes, atu bele servisu hamutuk ho MACLN hodi haree ba iha regime espesial ne’ebe  asesu iha UNTL.

“Asesu iha regime espesial liu-liu ba veteranos no martires nia oan, ne’e ita presiza servisu hamutuk ho Ministeru ba Asuntu Kombantente Libertasun Nasionál (MACLN) tanba kada tinan akademika sempre realiza regime espesial ba veteranos no martires nia oan atu asesu iha univesidade publiku”, dehan Longuinhos doa Santos.

Nia haforsa tan iha diploma minesterial atu regula prosesu tomak ne’ebe asesu iha ensinu superior nian iha baze fundamentu.

“Diploma miniestirial ne’ebe ita kria baze fundamentu ne’e, lei baze edukasaun, ne’ebe mak ita estabelese iha artigo 14, iha dekretu lei numeru 36/2009, ne’ebe aprova iha 2 de Dezembru, liu-liu konaba regime juridiku, prosesu asesu engrisu ensiniu superior nian”, tenik nia.

Regime juridiku ne’ebe ohin temi, estabelese  mos Komisaun Asesu Ensinu Superior (KAES), ne’ebe mak sei jere prosesu tomak liu-liu ba regime geral no regime espesial.

LEAVE A REPLY

Please enter your comment!
Please enter your name here