Home Saude Positivu COVID-19 nain 4 Iha Covalima, Dr. Rui: Posivelmente Importadu Klandestinamente

Positivu COVID-19 nain 4 Iha Covalima, Dr. Rui: Posivelmente Importadu Klandestinamente

570
0
Ilustrasaun virus Corona. [Foto: Copyright google | 07.03.2020]

Reportazen Zevonia Vieira

Liu hosi konferensia imprensa, Koordenador Forsa-Taref Prevensaun no Mitigasaun Surtu COVID-19, Dr. Rui Araujo de Araujo afirma katak ohin loron Timor-Leste iha kazu konfirmadu foun hamutuk 4 ne’ebe akontese iha aldeia Klauhalek, suku Belulik Leten, postu administrative Fatumean, Municipio Covalima.

Dr. Rui hateten kazu hirak ne’e deteta hahu hosi amostra rastreiru ka screening ne’ebe foti iha loron 20 Fevereiru. Hafoin ohin loron ekipa vijilansia epidemiolojika buka tuir ninia kontaktu sira to’o ohin loron lorokraik hamutuk nain 29 (membru familia nain 13, vinjinho nain 16).

“Nain 3 ne’ebe positivu tan, ida membru familia, nain ruak seluk vijinho. Kazu sira iha leten hatudu transmisaun lokal hosi posivelmente kazu “importadu klandestinamente” hosi populasaun ne’ebe tamas sai fronteira”, dehan Dr. Rui iha salaun Centro Integradu Jestaun Krizi (CIJK), 23/02.

Nia dehan ekipa epidemiolojika ho ekipa laboratoriu nafatin buka tuir kontaktu sira, hodi halo analize ba sira nia amostra. Hare hosi nivel alerta no resposta ne’ebe governu Timor-Leste adopt aba prevensaun no mitigasaun COVID-19 iha Timor-Leste, hahu ohin 23 Fevereiru 2021, Timor-Leste tama fali faze ne’ebe hanaran alerta 3 ka faze mitigasaun.

“Serka Sanitaria sei mantein nafatin, tuir rezolusaun governu no.4 no no.5, 15 Fevereiru 2021. Kazu foun 4 ne’e oras ne’e dadaun Serbisu Ambulansia ba foti atu lori mai izolamentu iha Vera Cruz”, dehan Dr. Rui

Kazu konfirmadu foun iha 4, kazu rekupera zero, kazu ativu hamutuk 21 aumenta nain 4 no total ema iha kuarentena hamutuk 190

LEAVE A REPLY

Please enter your comment!
Please enter your name here