Home Notisia Aban Traballador Hamutuk 20 Sei Aranka Ba Australia

Aban Traballador Hamutuk 20 Sei Aranka Ba Australia

580
0
timoroan nain 20 iha sefope. [Foto: Bernarda da Costa | 23.02.2021]

Reportazen Bernarda da Costa*

Sekretario Estado Formasaun Profisional no Emprego (SEFOPE) halo serimonia despedida ba trabalador timoroan hamutuk 20, ne’ebe aban sei arangka ba Australia ho aviao QANTAS, ne’ebe aluga husi kompania rua iha Australia. Trabllador hirak ne’e sei ba serbisu durante fulan 6 iha Australia iha sidade Norte Interior.

Sekretario Estado Formasaun Profisional no Emprego, Alarico de Rosario hateten traballador hamutuk 20 aban sei aranka ba Australia hodi halo kontinuasau serbisu ne’ebe mak sira halo ona iha tinan kotuk, tamba sira ne’e uluk ba tiha ona serbisu iha Australia no agora kompania rua foin bolu fali sira, hodi ba serbisu durante fulan 6 iha sidade Norte Interior.

“Lolos ne’e sira hamutuk 100 resin mak ba Australia, maibe tuir regra tenke haruka nain 20 ba uluk, tamba situasaun COVID-19, ita tenke kumpri regra ne’ebe governu Australia hasai”, hateten Alarico iha salaun SEFOPE-Kaikoli, 23/02.

Iha fatin hanesan traballadora Carmelia dos Santos Amaral sente orgullu ho oportunidade ida ne’e, tamba sei hetan nafatin oportunidade hodi ba serbisu iha Australia to’o dala 5 nian.

 “Hau ba serbisu iha Australia hamutuk dala 5 ona ho kompania ida ne’ebe hau serbisu uluk  mak  agora nia bolu fali hau atu ba serbisu Iha Australia no hau nia serbisu iha Australia hanesan kuda pateka”, dehan Carmelia.

Nia esperensia barak ne’ebe aprende iha Australia hanesan feto Timor, nunka lori traktor hodi fila rai, maibe iha Australia aprende oinsa atu lori tractor no uza makina hodi tesi dut.

Carmelia mos husu ba traballador sira seluk, karik ba serbisu iha Australia tenke hatudu atetudi diak, badinas hodi serbisu makaas, tanba iha ne’eba ita serbisu ba ita nia an no familia.

*(Bernarda da Costa nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here