Home Notisia Presu Mina Tun Ba $30.25 Baril 1, Timor-Leste Lakon Bilaun 1.7

Presu Mina Tun Ba $30.25 Baril 1, Timor-Leste Lakon Bilaun 1.7

240
0
Presu Mina Tuir Sitiu https://oilprice.com/oil-price-charts

Grafik hosi https://oilprice.com/oil-price-charts hatudu katak presu mina (crude oil) $30.25 kada baril iha loron 2 liuba, 23 Marsu. Presu ne’e tun $20 resin hosi fulan ida liuba.

COVID 19 ka SARS-Cov-2 afeta ekonomia mundo nian, inklui Timor-Leste. Xina ho merkadu ekonomia bot liu halo tiha ona restrisaun ba viajen sira no mos selebrasaun sira nia loron bot. Fabrika barak mak para sira nia operasaun, no loja barak mak taka ba tempu balun.

Bainhira akontese nune’e signifka importador mina (crude oil), ne’ebe dala barak liu hosi nasaun sira ho populasaun bot no iha nesesidade barak, presija mina uituan deit hodi hamoris sira nia ekonomia, inklui halo motor sira lao, no halo ahi lakan nafatin.

Pandemik Covid 19 halo rai barak no kompania kansela sira nia aviaun atu viajen, viajen iha rai laran no mos ba iha rai liur. Iha rai bot sira hanesan Xina bainhira hapara viajen rai laran no movimentu ema, no mos hapara operasaun fabrika sira iha signifikadu bot tebes ba sira nia ekonomia.

Hirak ne’e hotu hatudu katak demanda ba mina sei menus no atividade ekonomia mos sei menus, nune’e kresimentu ekonomia sei neneik no kik. Ator ekonomia mundo tomak hatene katak bainhira ekonomia Xina hetan efeitu, ekonomia mundo nian mos sei hetan efeitu negative.

Bainhira presu mina tun, Estadu Norte Amerikanu halo nia stratejia hodi sosa mina halo barak. Presidente Trump fo orden ba Strategic Petroleum Reserves atu foti vantajen hosi presu mina mak tun dadaun. Trump hatete katak ida ne’e atu ense reserve emerjensia mina (crude oil), nudar intensaun ida atu atu tulun produtores enerjia sira mak luta hela ba presu mina ne’ebe monu.

Ho ekonomia mundo nian mak ladun lao, iha serteza katak demanda ba mina sei tun bebeik. Iha tempu hanesan agrementu ba hatun produsaun hosi Organizasaun Nasaun Exportador Mina (OPEC) no Rusia falha tiha. Nasaun Arab Saudita tetu hela atu dodo produsaun tun liutan ba baril milaun 12,3 kada loron no sei husu roo bot tula mina hodi haruka bam undo tomak.  

Ba Timor-Leste, tuir dadus Lao Hamutuk nian hatudu katak asoens Timor-Leste nian iha Estadu Unidus no nasaun sira seluk tun 26%. Fundu Pretorliferu iha ekidade ho valor kuazu viliaun $6.6 iha fin 2019. Tanba ne’e ita lakon kuaze Biliaun $1.7 valor merkadu husi iha nia asoens, bainhira situasaun ekonomia tun iha posibilidade ita sei lakon barak liutan.

Bainhira presu mina mundial kik, sei limita dezenvolvimentu ekonomia iha mundo, inklui iha Timor-Leste. Bisnis petroliferu nian mos sei tun, tanba kompania mina sira sei manan uituan deit hosi sira nia investementu. Lao Hamutuk halo prediksaun katak bele para ninia produsaun lalais liu duke 2022.

***Foti hosi fontes oioin iha internet

LEAVE A REPLY

Please enter your comment!
Please enter your name here