Home Saude Positivu COVID-19 Iha Covalima Mai Hosi Cluster Ida, CIJK: Labele Paniku

Positivu COVID-19 Iha Covalima Mai Hosi Cluster Ida, CIJK: Labele Paniku

153
0
ilustrasaun protokolu COVID-19. [Foto: copyright google | 13.01.2021]

Reportazen Zevonia Vieira

Screening massal ka swab test massal ne’ebe halao ona iha municipio Bobonaro, Covalima no RAEOA, liu hosi rezultadu amostra iha Bobonaro hamutuk 1022 (100%) negativu, Covalima total amostra 851, hosi total ne’e nain 4 positivu COVID-19 no negative nain 847 (99%) no RAEOA total amostra 252 (100%)  rezultadu negativu

Liu hosi konferensia imprensa Koordenador Forsa-Taref Prevensaun no Mitigasaun Surtu COVID-19, Dr. Rui Araujo de Araujo informa katak rastreiu ka swab test sei nafatin hala’o to’o loron 25 Fevereiru iha Covalima no Bobonaro, hodi bele kobre postu Administrativu sira ne’ebé seidauk kobre, nune’e mos ho RAEOA, ne’ebé sei hala’o to’o dia 27 Fevereiru.

Dr. Rui hateten maske kazu foun hirak ne’e hatudu katak iha agrupamentu ida ka ‘’cluster’’ ida, iha aldeia Klauhalek, Suku Belulik Leten, Fatumean no hatudu katak iha transmisaun local. CIJK hakarak apela ba populasaun tomak, atu kalma, labele pániku no buka kumpri nafatin ho disiplina hodi tuir protokolu saude COVID-19.

Hamri’ik do’ok husi ema seluk, minimu metro ida ho balun,  kumprimenta malu la presiza bensa-liman, la presiza kae rliman, la presiza haku’ak-malu ka rei-malu, uza mascara, fase-liman bei-beik ho sabaun, ka uza dezinfetante liman-nian,  la presiza sai husi uma, wainhira la presiza tebes.

“Wainhira ita hotu hala’o ho disiplina buat hirak, ita hotu sei kontribui atu ita nia a’an-rasik, ita nia familia no viziñu sira iha ita nia bairru ka ita nia serbisu-fatin no mos Timor-Leste tomak nafatin do’ok-husi moras COVID-19″, informa Dr. Rui

Print Friendly, PDF & Email

LEAVE A REPLY

Please enter your comment!
Please enter your name here