Home Justisa FONGTIL Rejeita Lei Kriminaliza Defamasaun, Elisabeth: Investe Iha Edukasaun Ba Formasaun Moral

FONGTIL Rejeita Lei Kriminaliza Defamasaun, Elisabeth: Investe Iha Edukasaun Ba Formasaun Moral

174
0
Koordenador WWCTL Elizabeth Araujo iha centru media FONGTIL. [Foto: Francisco JDA | 06.05.2020]

Reportazen Francisco JDA

Forum Organizasaun Naun Governamental (FONGTIL) hala’o konferensia imprensa relasiona esbosu Lei Kriminaliza Defamasaun ne’ebé Ministeriu Justica dadaun nee prepara, atu lori ba konselho Ministru maibé  organizasaun sosiedade sivil no organizasaun media sira barak rejeita ka la aseita ho Lei Defamasaun iha Timor-Leste no fó rekomendasaun ba Ministeriu Justica katak presiza reforsa iha seitor edukasaun no kria Lei Cybernetiku.

Konselho Fiskal FONGTIL, Elisabeth  Arauju, ba jornalista sira katak, FONGTIL hare katak planu governu ba lei Kriminaliza Defamasaun hanesan aktu ida ne’ebé viola

Konstituisionalidade liu liu Ministeriu Justica ne’ebé la loke espasu konsultasaun públiku ho sosiedade sivil relasiona ho polítika Governu nian atu kriminaliza Defamasaun maske iha de’it oportunidade ba halo konsultasaun ho Igreza.

“FONGTIL lamenta governu nia razaun hakarak kriminaliza defamasaun, nia fundamentu la konvense ami tanba prejudika líder instituisaun. Konstituisaun Repúblika Demokrátika Timor Leste, mak Lei ida aas liu no sai matadalan ba Lei sira seluk atu halo tuir. Projeitu Lei ne’e viola Konstituisaun RDTL artigu 40 konaba liberdade ko’alia no asesu informasaun no artigu 41 kona ba liberdade imprensa”, hateten Elisabeth Araujo, 23/06.

Konselho Fiskal FONGTIL hateten Projeitu Lei ne’e halo ho intensaun, atu regula hahalok immoral ema nian ne’ebé, lolos ne’e bele hadia liu hosi programa desenvolventu sira kona ba edukasaun. Tinan 18 ona governu la halo investimentu di’ak iha kualidade edukasaun, atu sidadaun sira hatene oinsá respeitu malu”, hateten Elisabeth Linu de Arauju iha salaun FONGTIL.

Elisabeth akresenta katak, governu sira sei hetan vantajen boot hosi Lei ne’e, tanba sira bele uza hodi kondena sidadaun ida mak ko’alia hasoru governante sira no sei hamate partisipasaun sidadaun nian hato’o lian no partisipa iha governasaun, projeitu Lei ne’e sei hamate responsabilidade no akuntabilidade governante sira, atu fo atendimentu ba públiku no povu.

FONGTIL rekomenda ba governu,  presiza investe iha area edukasaun, servisu ho organizasaun relijioju hodi halo formasaun moral, bele mós inisia Lei Cybernetiku bainhira governu nia prekupasaun kona ba sidadaun nia utulizasaun sala ba média sosial.

FONGTIL hare Lei Kriminaliza Defamasaun la nesesariu, tanba ne’e husu ba Ministeriu Justica atu hapara esbosu alterasaun kodigu penal hodi Kriminaliza defamasaun.

LEAVE A REPLY

Please enter your comment!
Please enter your name here