Home Notisia PR: Iha Ona Maioria Parlamentar Grande Inkluzaun, Sustenta Ezekutivu to’o Mandatu Remata

PR: Iha Ona Maioria Parlamentar Grande Inkluzaun, Sustenta Ezekutivu to’o Mandatu Remata

688
0
Prezidente da Republika, Dr. Francisco Guterres Lu Olo. [Foto: Media PR | 29.05.2020]

Reportazen Zevonia Vieira

Prezidente da Republika, Dr. Francisco Guterres Lu Olof o posse ba membru governu nain 21, hodi kompleta VII Governu Konstituisional, ne’ebe lidera hosi Primeiru Ministru Taur Matan Ruak.

Liu hosi ceremonia tomad de posse, Prezidente da Republika iha deskursu hateten, tinan 10 resin nia laran, hafoin restaurasaun independensia, governu ida deit, IV Governu Konstituisional mak kaer mandatu to’o rohan

Ho senáriu ida-ne’e haree katak importante tebes hanoin kle’an kona-ba vida polítika iha Timor-Leste. Tanba ne’e mak Prezidente da Republika promove diálogu, entre hotu-hotu no iha nível hotu-hotu, atu hetan solusaun polítika metin ida ba tempu naruk. Presiza fó tempu ba tempu tanba bainhira ita ansi de’it, ita la hetan rezultadu di’ak.

Hatán ba Prezidente Repúblika nia apelu ba diálogu, partidu sira ho asentu iha Parlamentu Nasionál buka malu atu hetan solusaun ba situasaun polítika, governativa  no  parlamentár,  koñesidu   nu’ udar impase polítiku.

Prezidente Lu Olo hateten ho tempu partidu polítiku sira hetan duni  konsensu luan ida ne’ebé fó dalan ba VIII Governu Konstitusionál, atu hatutan nafatin ninia knaar, maibé verdade mak tenke rekoñese,  katak konsensu luan ne’e hahú hosi inisiativa FRETILIN nian.

PLP apoia liuhosi  asinatura Plataforma entendimentu Polítiku ho FRETILIN, ho objetivu atu hatuur  baze ida hodi kaer-metin VIII Governu. Apoiu ba VIII Governu Konstitusional,  haforsa hosi KHUNTO  no ikus mai hosi mós PD.

“Tanba ne’e mak ohin loron ita iha maioria parlamentár grande inkluzaun, ne’ebé bele sustenta Ezekutivu ida ne’e to’o  ninia mandatu remata iha tinan 2023”, hateten Lu Olo iha palacio prezidensial, 24/06.

Xefe Estadu hateten kona-ba Lei Orgánika Governu nian, artigu 115, númeru 3 hosi Konstituisaun hatete katak, Governu de’it mak iha kompeténsia lejizlativa kona-ba ninia organizasaun rasik no lala’ok.  Ita bele haree katak kompeténsia ida ne’e mai hosi prinsípiu autogovernasaun, ne’ebé ita-nia Konstituisaun fó ba Órgaun Soberania sira.

Lu Olo informa katak iha rain barak iha mundu, biar ho demokrasia metin maka’as, bainhira la konsege-hetan maioria parlamentár kualifikadu, prosesu atu forma Governu bele lori tempu naruk, maibé bainhira  rain sira ne’e iha tiha ona instituisaun forte, biar la forma kedas governu,  situasaun ida ne’ e la fó  impaktu  boot ba sira-nia País.

Nune’e iha sirkunstánsia ne’ebé de’it, importante tebes hanoin klean kona-ba reprezentatividade no lejitimidade. Aspetu rua ne’e importante tebes iha demokrasia. Sinál  sira hosi tempu!

Membru governu nain 21 ne’ebe hetan posse mak hanesan , Vise Primeiru Ministru no Ministru Planu no Ordenamentu, José Maria dos Reis, Ministru Koordenadór Assuntus Ekonómikus, Joaquim Amaral, Ministru Negosius Estranjeirus, Adaljiza Albertina Xavier Reis Magno, Ministru Edukasaun, Juventude no Desportu, Armindo Maia, Ministru Turismu, Komérsiu no Indústria,  José Lucas do Carmo da Silva, Ministru Interior, Taur Matan Ruak, Ministru Petroleu no Minerais, Víctor da Conceição Soares, Vise-Ministru Negosius Estranjeiru no Kooperasaun.

Julião da Silva, Vise-Ministru Justisa, José Edmundo Caetano, Vise-Ministru Administrasaun Estatal, Lino de Jesus Torrezão, Vise-Ministru Saúde,  Bonifacio Mau Coli dos Reis, Vise-Ministru Edukasaun, Juventude no Desportu, António Guterres, Vise-Ministru Komérsiu no Indústria, Domingos Lopes Antunes, Vise Ministru Turismu Komunitária no Kulturál, Inacia da Conceição Teixeira, Vise-Ministru Agrikultura no Peskas, Abilio Xavier de Araújo, Vise-Ministru Interior, Antonino Armindo.

Sekretáriu Estadu Formasaun Profisionál no Empregu, Alarico de Rosário, Sekretáriu Estadu Kooperativas, Elizario Ferreira, Sekretáriu Estadu Peskas, Elídio de Araújo, Sekretáriu Estadu Juventude no Desportu, Abrão Saldanha no Sekretáriu Estadu Protesaun Sivil, Joaquim José Gusmão dos Reis Martins.

Print Friendly, PDF & Email

LEAVE A REPLY

Please enter your comment!
Please enter your name here