Home EduTek Estudante Melbourne University Visita Sitiu Rezistensia no Fatin Turistiku

Estudante Melbourne University Visita Sitiu Rezistensia no Fatin Turistiku

225
0
Estudante Melbourne University halo estudo visita iha Timor-Leste (Foto: Zevonia Vieira)

Fundasaun Haburas servisu hamutuk Melbourne University hodi halao programa Study Tourba dala haat. Programa Promove Tourismu Komunitaria ne’ebe organiza hosi Fundasaun Haburas, hodi lori estundante sira visita fatin istoriku sira iha Timor-Leste.

Estudante Melbourne University, Annie Chessews, ne’ebe mak partisipa iha study tour durante semana rua nia laran hodi haleu parte lorosa’e nian, ba Neon Metin online Annie hateten katak visita estudu [study tour.red] ne’ebe nia tuir interesante tebes tanba aprende buat barak liga politika, kultura, tourismu no istoria.

“Issue boot ne’ebe importante liu ba hau mak istoria konaba povu ne’ebe luta durante rezistensia hasoru okupasaun Indonesia durante tinan 24 nia laran no kultura Timor durante kolonializasaun Portugues. Oinsa povu mak sira hasoru terus durante iha ukun colonial, maibe la hamate povu sira nia espiritu to’o ohin loron Timor ukun an duni”, hateten Annie, iha Maubisse, 25/07.

Annie mos fo hatoo nia hanoin katak, Timor-Leste iha potensia boot iha seitor turismo, tanba Timor nia panaroma no natureza ne’ebe furak los, ho nune’e presiza kontribuisaun hosi timor oan tomak atu haburas liutan seitor turismu no promove, hodi bele atrai turista sira hosi rai liur, hodi mai visita, ida ne’ebe bele dezenvolve ekonomia rai laran no bele fo benefisiu boot liutan ba komunidade Timor.

Ba Neon Metin online estudante ne’ebe estuda konaba Geografia no Antropologia hateten katak Fundasaun Haburas nudar organizasaun ne’ebe importante tebes hodi halo koperasaun ho Melbourne University tanba bele lori estudante sira hosi Australia, liu-liu Melbourne University atu bele aprende buat foun ne’ebe mak estudante sira sedauk aprende iha rai seluk ka iha Australia laran.

Iha parte hanesan Koordenador no Responsavel Masimu ba Programa Promove Tourismu Komunitaria, Pedrito Vieira ba Neon Metin online hateten katak objetivu hosi programa ne’e atu promove karakter tuir visaun no misau  fundasaun haburas nian, katak konserva nafatin natureza, kultural no promove ekonomia solidaria.

“Programa ne’e nudar programa ida ne’ebe edukativu, tanba liu hosi programa ne’e bele promove bioversidade ba natureza no mos sitiu ba rezistensia, turismo no dezenvolvimentu ekonomia”, hateten Pedrito Vieira

Programa ne’ebe halao dala haat ona kada tinan, ba Neon Metin online Pedrito Vieira iha esperansa katak kontinua nafatin servisu hamutuk ho Melbourne University no karik iha posibilidade atu lori tan estudante sira hosi universidade seluk

Estudante hamutuk 23 hosi fakuldade Geografia no Geolojika mai hamutuk ho   dosente nain tolu, hodi akompanna estudante sira nia visita ne’ebe mak halao iha municipio Lautem hanesan Conu, Tutuala no Iralalaru, iha Municipio Viqueque – Loehunu, iha Manufahi – Betano no Iha Ainaro – Maubisse.

Durante estudante sira nia visita, sira halao diskusaun ho komunidade lokal sira, konaba istoria kultura, istoria rezistensia, plantasaun caffee no projetu Tasi Mane.

Iha programa ne’e partisipa mos estudante voluntariu hosi Universidade Timor-Lorosa’e, hodi nune’e sira bele mos aprende no fahe esperiensia ba malu konaba istoria refere.

Alende estudante sira ne’e halo diskusaun ho komunidade lokal, sira mos hetan oportunidade hodi pratika oinsa kú caffee iha Maubisse hamutuk ho grupu komunidade Hakmatek. Estudante sira mos hetan oportunidade hodi partisipa iha seremonia ritual iha uma lisan Tartehi Maubisse.

 

 

 

LEAVE A REPLY

Please enter your comment!
Please enter your name here