Home Notisia Komunidade sei lakon rai hektares 650 iha Beaco ba planta LNG

Komunidade sei lakon rai hektares 650 iha Beaco ba planta LNG

366
0
(Foto: Lao Hamutuk)

Reportajen Mariano Fereira & Ato Lekinawa Costa

Orgnizasaun sosiedade civil mak ba halo monitorizasaun iha Beaco hetan katak komunidade nia rai hektares 650 mak uza ba planta LNG. Maioria husi komunidade afetadu sira, nudár toos na’in no peskadór, tanba ne’e, Ministeriu Agrikultura no Peskas (MAP) liu husi estrutura tomak husi nasionál to iha nivel munisipiu sei fó apoiu tomak hodi asegura nafatin produsaun ai-han iha suku 2 no aldeia 8 ne’ebé sei muda ba fatin foun (Nova Beaco). Ministru mós konvida no apela ba joven no setór privadu sira atu investe iha setór agrikultura hodi fornese ai-han saudavel ba indústria projetu tasi mane bainhira instala ona infrastrutura báziku sira iha Beaco.

Ministériu do Petróleu e Minerais no kompañia nasionál Timor-Gap no servisu hamutuk ho ekipa interministeriál halo sosializasaun no lansamentu ba programa Identifikasaun Rai no Propriedade ba area Timor-Leste LNG, iha Beacu, Viqueque (16/07). Atividade sosializasaun no lansamentu programa identifikasaun rai no propriedade ho objetivu atu fahe informasaun ba komunidade, diálogu aberta inklui rona direta preokupasaun husi komunidade sira, tanba governu planu ona atu uza rai iha Beacu 650 hektar ba projetu planta LNG.  Programa sosializasaun ne’e atu avizu ba komunidade kona-ba identifikasaun na’in ba rai no mós propriedade hanesan uma, ai-horis inklui mós meiu ambiente no kultura iha suku Beacu. Objetivu tuir mai mak atu estabelese baze de dadus ba prosesu kompensasaun ba sasán no riku soin sira komunidade nian, informasaun hirak ne’e aprezenta husi ekipa tékniku Timor Gap.

Sekretária Estadu Terras e propriedade (SETP), Sr. Mario Ximense, reprezenta Ministru Justisa hato’o diskursu, iha Beaco, semana rua liuba (16/07), kona-ba papél no servisu Ministériu nian liga ho projetu tasi mane. Sekretária estadu hato’o katak, “tempu to ona atu hala’o dezenvolvimentu nasionál liu husi esplorasaun mina no gas iha tasi Timor. Ho razaun ne’e, governu liu husi kompañia nasionál Timor Gap halo ona estudu ba esplorasaun mina no gas. Papél importante Ministériu Justisa nian liu husi SETP sei foku ba estatutu rai ne’ebé mak komunidade sira hela, inklui ai-horis sira ne’ebé komunidade kuda. Tanba ne’e, autoridade lokál no komunidade sira tenke koopera hodi apoiu ba dezenvolvimentu nasionál ne’ebé mak sei uza rai barak no automatikamente afeta direta ba komunidade sira.”

Sekretariu Estadu Mario Ximenes mos datete katak tuir planu, prosesu tuir mai, ekipa Terrras e Propriedade no Obras Públiku sei hala’o pre-identifikasaun rai iha Beacu tomak hodi identifika rai hira mak projetu planta LNG sei uza no komunidade hira mak afetadu liu. Faze ikus mak sei halo levantamentu no identifikasaun detallu liga ho rai no uma privadu, rai kultura no rai estadu ne’ebé haktuir ona iha lei no 1/2003, lei no 8/2017 no lei no 13/2017. Tanba ne’e husu ba komunidade sira tenke hato’o deklarasaun loloos kona-ba rai, uma no ai-horis ne’ebé iha.

Aléinde de ne’e, ministériu relevante sira hato’o sira nia planu no programa ida-idak ligadu ho projetu planta LNG iha Beacu. Tuir mai Ministru Agrikultura e Peska, Sr. Joaquim Martins Gusmão hato’o ninia intervensaun katak, “projetu iha Beacu nudár pillar importante ne’ebé hatuur nanis ona iha PEDN 2011-2030. Projetu tasi mane nudár fatuk inan ida hodi diversifika ita nia ekonomia iha merkadu nasionál no internasionál hodi hasa’e kreximentu ekonomia. Tanba ne’e, MAP prontu servisu hamutuk ho ministériu relevante sira ne’ebé iha grupu ka ekipa interministeriál prontu no filme hodi apoiu ba projetu tasi mane.”

Ministru Joaquim mos hatutan dehan, maioria husi komunidade afetadu sira, nudár toos na’in no peskadór, tanba ne’e, MAP liu husi estrutura tomak husi nasionál to iha nivel munisipiu sei fó apoiu tomak hodi asegura nafatin produsaun ai-han iha suku 2 no aldeia 8 ne’ebé sei muda ba fatin foun (Nova Beaco). Ministru mós konvida no apela ba joven no setór privadu sira atu investe iha setór agrikultura hodi fornese ai-han saudavel ba indústria projetu tasi mane bainhira instala ona infrastrutura báziku sira iha Beacu.

Planu ida ne’e kontradis ho programa dezenvolvimentu municipal Viqueque (publika iha brosura kampanne AMP nian) mak AMP dezenvolve iha tempu kampanne. Programa AMP iha tempu kampanne hatete katak sei dezenvolve estrada tama sucos no aldeias no sei lori eletrisidade ba suco no aldeias. Parte ekonomia, sei foka ba ekonomia agrikola liu hosi dezenvolve agrikultura nudar baze ba ekonomia, sei halo agro-industria, agro-negosiu no kooperativa ba dezenvolvimentu rural. No iha parte agrikultura, sei dezenvolve kapasidade produsaun hare, kapasidade peskadores, no promove turizmu.

Populasaun Viquque 70 mil resin, no ema la hatene lee no hakerek  barak liu ema hatene lee no hakerek. Atualmente atividade ekonomia populasaun iha ne’eba nia mak agrikultura. Maibe iha tinan balun nia laran sira sei muda sira nia atividade ho prezensa planta LNG nian iha fatin ne’e. Populasaun balun sei muda hosi sira nia hela fatin ba fatin foun Nova Viqueque no Nova Beaco. Mudansa hirak ne’e sei demanda movimentu transporte barak iha komunidade nia let. Sei demanda mos adjutamentu ba moris hosi komunidade rasik.

Osan mak atu dezenvolve projetu Beaco nian diskonfia sei mai hosi debe ba Banku Xina nian ida, ho montante Bilaun $11 no kompania mak kaer projetu ne’e sei mai mos hosi Xina.

 

 

 

 

LEAVE A REPLY

Please enter your comment!
Please enter your name here