Home Saude Ema 53 mill Simu Ona AstraZeneca, Danina: Planu Vasinasaun Ladun Atinje Alvu

Ema 53 mill Simu Ona AstraZeneca, Danina: Planu Vasinasaun Ladun Atinje Alvu

112
0
Komisaun Interministeriál ba implementasaun Vasina kontra COVID -19. [Foto: David da Costa | 21.05.2021]

Reportajen David da Costa Gusmao

Dadus hosi Komisaun Interministeriál ba implementasaun Vasina kontra COVID -19 iha Timor-Leste hatudu katak to’o ohin Loron Sesta 21 Maiu, iha sidadaun hamutuk 53.000 mak simu ona vasina AstraZeneca, ne’ebe oferese hosi COVAX Facility no Australia.

Tuir Portavoz Komisaun Interministeriál Danina Coelho informa, númeru ne’e konta hamutuk ho vasina dozes dahuluk hamutuk 24 mill, ne’ebé oferese hosi COVAX Facility iha primeira faze , inklui 20 Mill dozes ne’ebé oferese hosi Austrália ne’ebé lansa faze daruak iha loron 10 Maiu tinan ne’e.

“Ohin ema hamutuk 53.000 liu simu vasina primeru dozes dahuluk iha Timor-Leste, hahú kedan kampaña vasina iha 7 Abril,” Danina Coelho hateten liu hosi konferensia imprensa iha salaun MSSI Kaikoli, 21/05.

Nia haktuir pesoal saude la’os fo de’it vasina iha postu saude , maibé hakat ba fatin-atin, inklui ba to’o aldeia sira.

“48% hosi sira ne’ebé mak simu ona vasina, mai hosi grupu prioridade sira ho komorbilidade hamutuk 6.046 (24%), ema ho tinan 60 ba leten la ho moras komorbilidade hamutuk 1.268 (5%), pesoál liña frente hamutuk 455 (18%), pesoál saúde hamutuk 110 (1%) no adultu tinan 60 mai kraik la ho moras komorbilidade hamutuk 13.011 (52%),”nia esplika .

Nune’e mos iha totál estimadu 19% ema ho idade 18 ba leten iha Dili mak simu ona vasina doze dahuluk .

“Maski pesoál saúde halo esforsu makaas, maibé ami haree katak planu vasinasaun ladun atinje alvu, iha primeira faze fó doze dahuluk. Ami enkoraja familia sira atu lori lalais maluk ho moras króniku no otas liu 60 ba vasina, hodi bele proteje-an diak liu hosi COVID-19,” dehan Danina Coelho.

Alende ne’e to’o ohin Timor – Leste rejista ona kazu COVID-19 konfirmadu sura hosi tinan 2020 to’o ohin loron hamutuk 5287 no mate ho COVID nain 11. Hosi númeru ne’e munisipiu Dili mak rejista númeru kazu COVID – 19 aas liu total 4515.

Print Friendly, PDF & Email

LEAVE A REPLY

Please enter your comment!
Please enter your name here