Home Justisa La Aseita Harii Sidade Universidade Iha Rai Produtivu, Elsa: Diakliu Harii Iha...

La Aseita Harii Sidade Universidade Iha Rai Produtivu, Elsa: Diakliu Harii Iha Rai Mauxadu

2503
0
komunidade afetadu ba planu programa harii universidade iha Aileu. [Foto: Media RbR | 03.08.2021]

Reportajen Francisco JDA

Komunidade afetadu iha Aileu hamutuk uma kain 8 la satisfás ho planu Ministériu Ensino Superior Siénsia no Kultura (MESSK) ne’ebé atu harii sidade Universidade, maski governu halo sosializasaun ba 14 maibé la iha konkordansia,  nune’e komunidade kontinua la fó sira nia hela fatin no rai, hodi harii sidade universidade.

Tanba sira hateten rai ne’ebe planu atu harii sidade universidade, nu’udar rai produtivu ba setór agrikultura.

Ho kestaun ne’e Rede ba Rai ( RbR ) hamutuk ho komunidade afetadu hala’o konferénsia imprensa, hodi husu governu liu-liu MESSK atu halo sidade iha rai Mauxadu ho rai hectares 66 ne’ebé ho gratuitamente sem selu sentavus ida ba komunidade.

Komunidade afetadu Elsa Xavier ba jornalista sira hateten governu obriga komunidade atu utiliza rai ne’e ba sidade universidade, maibé komunidade rasik la konkorda no husu governu atu harii sidade universidade iha rai Mauxadu, ida ne’e mak alternativa ne’ebé di’ak

“Ami fo hatene ba públiku katak ami sei la aseita no sei la fó ami nia rai no hela fatin, se sira hakarak utiliza karik rai ida iha Mauzadu 66 hectares, rai afetadu ne’e mak ami uma kain 8  ne’ebé iha 31 parselas, hosi inisiu kedas ami hatete kontente ho inisiativa ne’e, maibé ami la aseita sira hakarak foti hotu ami nia uma, hela fatin durante ami nia avo beiala sira husik hela mai ami ne’e, maibé iha alternativa seluk mak ami informa katak rai mak iha Mauxadu ho hectares 66 ne’e “ hateten Elsa Xavier iha Fundasaun Haburas Farol, 03/08

Entertantu Diretor HASATIL Gil Boavida lamenta ho prosesu harii Sidade Universidade iha Aileu, tanba kuandu ko’alia kona ba rai produtivu, la signifika valoriza ho osan nia kuantidade $3.00/metro kuadradu, maibé kuandu seidauk iha konkordánsia hosi komunidade, presiza halo fali aprosimasaun no iha opsaun ne’ebé justu ba komunidade afetadu sira.

Sorin seluk Koordenadór Advokasia FONGTIL,  Ivo Kolimau Lay Costa iha intervensaun hatete katak, serbisu ne’ebé Rede ba Rai halo, ligasaun ho disputa rai Aileu kona ba sidade universidade, Aeroportu Nicolau Lobato, inklui harii edifísiu PNTL Kaikol,i ida ne’e nudar papél Rede ba Rai nian, atu fo asisténsia Jurídiku ba komunidade afetadu ba rai, nune’e FONGTIL lamenta iha parte ruma mak lansa statementu katak RbR halo serbisu iha indikasaun polítika no subornu

“Rede ba Rai nia serbisu to’o agora seidauk komete erru ruma, karik iha parte ruma mak lamenta ho RbR nia serbisu, bele hato’o keixa ho evidénsia ba FONGTIL, nune’e bele foti medida la’ós lori boatu hodi minimiza imajen RbR,” hatete Koordenadór Advokasia FONGTIL.  

Print Friendly, PDF & Email

LEAVE A REPLY

Please enter your comment!
Please enter your name here