Home EduTek Elias: Jovem Barak Benefisia Hosi Programa Uma Amerika Iha Lingua no Lideransa

Elias: Jovem Barak Benefisia Hosi Programa Uma Amerika Iha Lingua no Lideransa

358
0
Embaixador Adjunto Embaixada EUA iha Timor-Leste, Elias Parra. [Foto: Adroaldo | 17.11.2020]

Reportazen Adroaldo ‘Saretukau’

“Tinan ida ne’e ita hetan ema 20,000 mak hetan benefísiu hosi ita nia program, ida ne’e ita bele hare susesu tebes, tanba kada tinan benefisiáriu ne’e aumenta”.

Uma Amerika selebra aniversáriu ba dala-4, hamutuk ho delagasaun importante hosi Embaixada Amerika iha Timor-Leste iha Universidade Nasional Timor Lorosa’e (UNTL).

Iha selebrasaun aniversáriu ne’e Reitor UNTL, Francisco Miguel Martins hatete ohin ita mai iha ne’e hodi komemora Biblioteke Púbiku no centro aktvidade iha Uma Amerika, hanesan Uma Amerika ka America Corner iha Timor-Leste.  

Nia dehan hosi tinan liubá, fatin ida ne’e hanesan fatin privilejiu boot ba komunidade akadémika, la’os de’it ba kultura Amerikanu nian, maibé mos koleksaun púbiku ba lívru sira hanesan língua, literature, ekonomia, jestaun, negósiu, polítika, lei no sosiedade demokrasia. Nia hateten ita hafoun hikas kolaborasaun UNTL ho Embaixada Amérika liu hosi Uma Amerika ho asina Nota de Intendimentu.

“Ami iha komitmentu nafatin ba Uma Amerika, atu kontinua hetan parte iha Rede Global hosi American Corner 700 iha mundu ne’ebé iha koneksaun direita ho Estadus Unidus Amérika ho nasaun estrajeiru”, tenik nia, iha UNTL 17/11.

Nia dehan relasaun pozitivu Timor-Leste ho parseiru dezenvolvimentu hanesan Amerika oferese forsa no fundasaun signifikante ba futuru dezenvolvimentu.

Reitor UNTL fiar katak investe ba joventude sira nia futuru,  lider iha nasaun mak save ba aselera no gasta ba dezenvolvimentu sósiu ekonomia, atu TL bele sai modelnu no nasaun prósperu hodi fo future ne’ebe nabilan.

Iha fatin hanesan Embaixador Adjunto Embaixada EUA iha Timor-Leste, Elias Parra hateten hosi nia estabelsimentu, Uma Amerika hanesan dalan naruk ida ba edukasaun no profisional ba joven Timor-Leste.

“Tinan haat liu bá, kooperasaun entre Embaixada EUA ho UNTL ami estabelese Uma Amerika, tinan rua liu ba ita selebra rekoñesimentu Uma Amerika hanensa ofisial American Corner hanesan parte ida hosi espasu American Corner 700 iha mundu”, hateten Embaixador Adjuntu Elias, iha Uma Amerik, 16/17

“Ami haree susesu ba Timor oan lubuk ida ne’ebé benefísia hosi Programa Uma Amerika, hodi dezenvolve língua Ingles no abilidade lideransa, asesu oportunidade, kontinua dezenvolve edukasaun profisional”, hateten Elias

Iha Uma Amerika voluntáriu da-dauk ne’ebé uza abilidade no sira nia esperinésia ne’ebé direita fo benefísu ba estudante no juventude barak iha Díli no teritoriu tomak.

Embaixador Adjuntu mensiona Nelania Doutel Sarmento ba abilidade ne’ebé nia dezenvolve iha Uma Amerika, hodi hetan Academic Fellowship ba EUA liu hosi Program Young Southeast Asia Leadership Initiative (YSEALI)nno nia hetan fundu hosi Departamentu Estadus Amerika, nia dezenvolve program lideransa ne’ebé dezenvolve abilidade lian Ingles no abilidade lee ba joventude 200. Nune’e mos voluntáriu Uma Amerika ne’ebé parseiru ho alumni EUA ba Bolsa no Interkambiu Internation hodi kria projetu edukasaun sívika.

Voluntáriu Uma Amerika no YSEALI alumni, Igor de Carvalho da Costa ho nia Grupu Change Maker organiza program treinamentu ba joventude sira hosi universidade sira nomos ba ensinu sekundáriu iha Dilí.

“Uma Amerika oferese espasu valiozu ba estudante Timor oan atu aprende, dezenvolve no konekta ho EU no komunidade International. Presesu hotu depende ba supporta no parseiru hosi UNTL, durante EUA fo fundu signifikante ba Uma Amerika, UNTL oferese fatin no suporta ne’ebé ita apresia tebes”, Elias haforsa

Uma Amerika hanensa share home entre Timor-Leste ho UEA, iha ne’ebé uma atu fahe ideia, esperansa ba future no dezafiu maibé EUA ho Timor-Leste nafatin hasoru hamutuk.

Iha parte sorin Koordenador Uma Amerika Ezequiel de Jesus Ribeiro hateten hahú kedas iha tinan 2016 to’o ohin loron  programa Uma Amerika barak mak halo ona no iha benefísiu ne’ebé barak tebes.

“Kada tinan ema 14,000 mak hetan benefísiu tanba ne’e mak hamutuk iha tinan ida ne’e ita hetan ema 20,000 mak hetan benefísiu hosi ita nia program, ida ne’e ita bele hare susesu tebes, tanba kada tinan benefisiáriu ne’e aumenta”, dehan Ezequiel

Nia hatutaun Uma Amerika mos oferese programa kultural Amerika nian hanensan Blues, Jazz, selebra Direitus umanus ema metan sira nian, tanba ida ne’e hola parte iha pilar Uma Amerika ni-nian. Iha mos Program Ingles ba ema adultu no Program Igngles ba labarik.

“Oinsá mak ita atu sukat ni-nia susesu, hosi ne’e labarik barak mak bele aplika ba bolsu estudu, barak mak aplika ba programa EUA nian iha li’ur”, nia dehan

Nia iha esperana katak ba futuru iha ligasaun entre biblioteka sira hotu iha Timor laran, atu ema halo peskiza karik la presiza la’o dook. Nune’e nia mos dehan programa Ingles nian oinsá atu hakbiit ema nia kapasidade li-liu kolabra ho Camp Epic atu bele kolabora ho mestri sira.

Print Friendly, PDF & Email

LEAVE A REPLY

Please enter your comment!
Please enter your name here