Reportajen Silvino Freitas
Polisia Nasionál Komandu Munisípiu Dili hamutuk ho Diresaun Servisu Investigasaun Kriminál (DSIK) iha loron 29 fulan jullu oras tuku 10:00 dader, kumpri mandadu detensaun husi Tribunal Judisial Primeira Instansia de Dili (TJPID) hodi kaptura no detein membru Polisia Sientifika Investigasaun Kriminál (PCIC) ho inisial DS hodi halo detensaun iha sela Polisia Komando Munisípiu Dili.
Detensaun ne’ebe DSIK halo ba membru PCIC nee bazeia ba orden husi tribunal ho Numeiru Uniku Krime 0289/24. PCCIC, nune’e mandadu ba detensaun nee atu asegura membru refere nia prezensa hodi kumpri audensia julgamentu primeiru interogatoriu iha tribunal primeira instansia iha loron 30 Jullu 2026 tuir dispozisaun iha artigu 90 numeiru 4 no artigu 256 numeiru 2 husi KPP.
Hafoin kaptura iha edifísiu PCIC Kaikoli DSIK ho PNTL Komandu Munisipiu Dili lori kedas membru PCIC DS ba detein iha sela detensaun komandu munisípiu Dili hodi kumpri oras 72 molok aprejenta ba tribunál hodi tuir primeiru interogatoriu iha TJPID.
