Home Notisia Feto nia Partisipasaun Iha Kooperativa Diak Liu Mane

Feto nia Partisipasaun Iha Kooperativa Diak Liu Mane

214
0
SEKOOP halo sorumutu ho klooperativa feto sira. [Foto: Adalgisa Pereira | 08.03.2021]

Reportazen Adalgisa Pereira

Komemorasaun loron mundial feto ne’ebe monu iha loron 8 Marsu ho tema nasional Feto Iha Lideransa: alkansa futuru ida ne’ebe hanesan iha mundu COVID-19.

Hosi komemorasaun refere Sekretariu Estadu Kooperativa (SEKOOP) realiza sorumutu hodi foka konaba lideransa feto iha COVID-19.

 Sekretariu Estadu Kooperativa, Elizariu Fereira iha intervensaun hateten objetivu hosi sorumutu ne’e hodi fo onra no gloria ba feto sira ne’ebe mak husik sira nia vida ba it nia rain, hodi hetan independensia no ba oin hodi hare future diak ba sira, oinsa atu resolve no hare kondisaun feto sira nian iha politika no ekonomia nune feto mos bele hola papel importante, hodi kontribui ba dezenvolvimentu ekonomiku.

Nia mos apresia ba feto sira tamba durante iha kooperativa dezenvolvimentu kooperativa desde tinan 2000 to’o ohin loron, feto sira nia partisipasaun diak liu mane sira, feto nia prezensa bele kontribui liu tan ba dezenvolvimentu kooperativa.

Iha fatin hanesan Prezidente kooperativa Lakon Nakukun Mosu Naroman (LANAMONA), Domingas do Santos iha ninia entrevista hateten iha komemorasaun ida ne’e sente haksolok tebes, hanesan konsiderasaun kona ba feto sira maibe nia mos preokupa kona-ba serbisu ne’ebe mak ladun balansu, tanba feto sira serbisu dobru hanesan responsabilidade familia uma laran no servidor publiku, tan ne’e husu ba governu atu haree ba kestaun sira ne’e.

“Serbisu ne’e ladun balansu, feto nia serbisu boot liu, tan ne’e ami konkorda banhira iha politika governu nia karik fo perioridade ba salariu feto ninia, tamba feto nia serbisu dobru nudar responsabilidade familia uma laran no servidor publiku  nia tenke jere nia tempu ho diak ba mos   familia no nia tenke halo tuir nia kna’ar nuudar feto, tan ne’e merese duni hasae hosi salariu  $115,” dehan Domingas Do Santos iha salaun SEKOOP, 08/03.

Print Friendly, PDF & Email

LEAVE A REPLY

Please enter your comment!
Please enter your name here