Home Notisia Presiza Hasae Salario Feto Maluk Sira Ne’ebe Halo Serbisu Domestika

Presiza Hasae Salario Feto Maluk Sira Ne’ebe Halo Serbisu Domestika

774
0
Cleaner Bernadete da Costa Ximenes hamoos hela toilet iha Largo. [Foto: Francisco JDA | 12.11.2020]

Reportazen Adalgisa Pereira

Iha komemorasaun loron mundial feto loro 8 Marsu, Prezidente Kooperativa Lakon Nakukun Mosu Naroman (LANAMONA), Domingas dos Santos husu ba governu atu tau atensaun ba serbisu domestika nian ne’ebe feto barak mak serbisu ba, atu bele hasae sira nia salario hosi $155 ba leten.

“Konaba salariu kiik ne’ebe feto maluk sira hetan”, Domingas rekomenda ba governu atu hasae salariu feto maluk nian tenke iha balansu, feto ninia pozisaun nudar servidor publika.

Iha komemorasaun ne’e mos Diriektor Jeral iha Sekretariu Estadu Igualidade Inkluz (SEII) Armando da Costa hateten politika atraves SEII dezenvolve ekonomiko feto sira nian, liliu iha area rural no kestaun salariu ne’ebe mak feto sira hetan  seidauk regula lei espesifiku ruma.

Nia dehan oha politica ne’ebe SEII mak atu dezenvolve ekonomia feto sira nia liliu iha grupu sira seluk iha area rural, suku sira ho apoiu aktividade negosiu, asuntu ekonomia laos iha SEII deit maibe iha intituisaun seluk hanesan SEKOOP, Ministeriu Agricultura no Peskas,  Obras Publika no mos Ministeriu Turism.

“Kestaun salariu minimu governu liu husi SEFOPE, ita iha hela prosesu ida ne’ebe atu dezenvolve espesifiku dekreitu lei ida ne’ebe koalia kona ba salariu ba traballador domestika ne’ebe durante nee seidauk regular ho lei espesifiku ruma, maibe ita hatene katak salariu ne’ebe estadu aplika jeral iha Timor-Leste $115 maibe ba serbisu sira formal iha instituisaun estadu, iha organizasaun internasionais sira regular ona ho diak, maibe ba serbisu domestika nee mak iha hela prosesu,” dehan Armando da Costa hafoin partisipa iha komemorasaun loron mundial feto iha salaun SEKOOP, 08/03.

Prezidente Kooperativa LANAMONA mos husu ba governu atu tau atensaun ba violensia domestika no violensia oi-oin ne’ebe akontese iha rai laran.

Nia dehan kazu sira violensia hasoru feto sira tenke hamenus,  hanesan violensia domestika no violensia oioin  ne’ebe mak durante nee presiza atensaun husi governu, no oinsa governu bele aselera banhira iha krime grave sira. Tuir nia krime ne’ebe seriu tenke fo atuasaun neebe lalais ba kriminozu sira ka ema sira ne’ebe halo violensia hirak nee, hanesan foin lalais akontese violensia omesidu iha Bobonaro.

Print Friendly, PDF & Email

LEAVE A REPLY

Please enter your comment!
Please enter your name here