Home Notisia Xanana Hili Horta Sai PR Hodi Salva Estadu Direitu Demokrátiku

Xanana Hili Horta Sai PR Hodi Salva Estadu Direitu Demokrátiku

573
0
Prezidente CNRT, Xanana Gusmao. [Foto: Santy | 11.04.2022]

Reportajen Santina Lucia da Costa

Prezidente Partidu Congresso Nacional de Reconstruҫão de Timor-Leste (CNRT), Kay Rala Xanana Gusmão deklara hili D. José Ramos Horta sai Prezidente Republika ba periodu 2022-2027 iha kbiit, esperiénsia no iha kapasidade hodi salva Estadu Direitu Demokrátiku, hodi hatur konstituisaun iha nia fatin.

Iha Ámbitu Mini Kampaña, Prezidente Partidu CNRT, Kay Rala Xanana Gusmão, hateten, ita hotu iha ne’e mai, atu ita kumpri dever boot ida ita nia rai, dever ida salva ita nia estadu de direitu demokratiku ne’e. Demokrasia rekoñese valoriza ema ida-idak nia kbiit, nia kapasidade.

“Horta la’os militante no simpatizante partidu CNRT nian, Hili nia tanba Koñese nia iha kbiit, iha kompetensia, esperiensia atu hatur de’it konstituisaun iha nia fatin.” deklara, Prezidente Partidu CNRT, Xanana Gusmão iha Triloka, Munisipiu Baucau, Sabado, 9/4.

Prezidente Partidu CNRT, hatutan, ida ne’e hatudu konsiensia povu ida ne’e, ne’ebé hakarak problema ida atu rezolve, mai hamutuk atu bele disidi, tanba eleisaun ne’e desizaun povu ninian. Ita presija hamutuk duni ho hanoin ida de’it, hakarak salva ita nia estadu.

“Ita hotu hili Joven Horta atu sai Prezidenti Republika hodi salva ita nia nasaun hodi hatur konstituisaun ne’e iha nia fatin no lei sira ne’ebé mós la’o hasoru konstituisaun, buat hotu kurizi tau mós matan tanba  nu’udar Prezidente Republika iha konstituisaun dehan tau matan ba instituisõens demokratikas hotu-hotu ninia la’o.” hateten, Xanana Gusmão.

Xanana, dehan, Horta tur iha Aitarak laran nu’udar Prezidente Republika tenki tau matan hodi kurizi buat hotu-hotu ne’ebé la’o ladi’ak.

“Hasoru malu imi iha ne’e ho laran ho fuan senti katak, iha duni konfiansa tanba ita mai iha ne’e la’os CNRT mak mai iha ne’e, mai hamutuk no halibur malu ho objetivu ida salva Estadu de Direitu Demokratiku.” dehan, Xanana.

Partisipa iha Mini Kampaña ne’e, partidu apoiante sira hanesan, PDRT, PD, PUDD, PATIFOR, CNRT, FRENTE MUDANSA, PDC no movimentu apoiantes tomak ne’ebé apoiu kandidatu Ramos Horta.

Mini Kampaña ne’e hetan observasaun husi Observadór Komisaun Nasional ba Eleisaun (CNE), Provedoria Direitu Umanu no Justisa (PDHJ), Obsevadór Internasional. Nune’e mós hetan seguransa masimu husi Polisia Nasional Timor-Leste (PNTL).

Print Friendly, PDF & Email

LEAVE A REPLY

Please enter your comment!
Please enter your name here