Reportajen Filomena da Conceição
Esperansa elitores nian ba iha governu foun mai katak bele resolve problema ne’ebé maka povu hasoru Iha area rual, liuliu ba iha setór edukasaun, saude, agrikultura no infraestrutura. No nafati kria paz no unidade iha nasaun Timor-Leste.
Eiltór Hermenegildo Ximenes lhateten, elisaun hanesan loron importante ida ba sidadun tomak atu exérese sira nia direitu ba partidu hirak ne’ebé sira tau fiar ba. Espresa ba governu foun ne’ebé sei mai atu hadi’a setór edukasaun, saúde liuliu ba serve agrikultór tanba komunidade barak mak moris ho vida agrikultór.
“Ha’u nian nia esperansa ba governu foun mai atu hadi’a setór agrikultura tanba komunidade barak mak moris ho vida agrikultór, no setór edukasaun tanba komunidade nia oan barak kontinua ka’o ho distansia dook ba asesu edukasau” dehan Hermenegildo ba Neon Metin bainhira remata ninia votu, iha Sede Suku Baguia Quelicai, Domingo 21/05.
Iha fatin hanesan eleitor Justino Marcal da Conceição, haktuir mós, elisaun Parlamentar ida ne’e pontu importante ida ba sidadun tomak atu vota tuir ida- idak nian konsiensia ba kada partidu ne’ebe sira tau esperansa ba.
“Hau vota tiha ona, no hau nia votu nee segredu, tanba ne’e nu’udar sidadun ha’u sente orgullu ba elisaun ne’ebé ohin loron ita realiza tanba liuhusi elisaun ida ne’e ita bele hili ita nia lideransa ida ne’ebé diak, lideransa ne’ebé pontensia no kualidade hodi nune’e sira bele lidera parlamentu Nasional atu trata moris diak povu nian ba tinan lima mai, tanba ne’e ha’u espera katak povu hotu iha matenek hodi hili sira nia lideransa ida ne’ebé iha programa diak ba povu nia moris” dehan Justino
Nia salienta tan katak partidu sé deit mak manan iha elisaun hodi lidera parlamentu Nasional ho objetivu ida deit mak atu hadi’a povu nia moris no lori dezenvovimetu ba Nasaun Timor-Leste iha futuru, tanba ne’e nu’udar sidadun hakarak fo ninia esperansa ba Governu foun ne’ebé sei mai no forma husi partidu ne’ebé deit atu bele hadi’a povu nia moris diak no kria nafatin paz, undidade ba nasaun Timor-Leste ba atu lori dezenvovimetu no lori Timor-Leste ba oin.
Nune’e mós Eleitora Terezina Alves hateten, elisaun Parlamentar hanesan festa demokrasi ida ne’ebé obrigatório ba sidadun hotu tenke hakat ba sentru votasaun iha ida-idak nia suku hodi kumpri sira nia dever nu’udar sidadun ida atu hili tuir sira nia partidu hodi lidera parlamentu Nasional atu bele hadi’a problema sira ne’ebé povu hasoru iha terenu.
“Hau vota tiha ona, no nu’udar sidadun maske la’o ho distansia dook maibé hau tenke kumpri ha’u nia dever atu mai iha sede suku hodi fó ha’u nia votus ba partidu Fretilin tanba durante sira nia mandatu hodi lidera oitavu governu hamutuk ho partidu PLP no KHUNTO bele fasilita ona buat barak ba povu lihusi programa sesta bazika, subsídio 200 dolar ba kada uma kain, uma naroman ba povu no buat barak mak sira halo no povu sente duni iha sira nia mandatu nee” dehan Terezina.
Eleitór Afonso Alves mós hatuir katak nu’udar sidadun ne’ebé exérese ona nia direitu ba elesaun parlamentar no hanesan sidadun ne’ebé hela iha area rural prolema barak mak sira hasoru lihusi setór edukasaun, Saúde, no infraestrutura tanba ne’e husu hoverno foun ne’ebé mak lidera nonu governu bele hadi’a netik problema sira ne’e.
“Hau vota tiha ona, no hau nia votu nee segredu tanba nee ba partidu se deit mak lidera parlamentu Nasional hau nia esprensa ba sira atu hadi’a ami nia estrada no dada bee moos ba ami liuliu atu hadi’a setór edukasaun tanba durante ne’e ami nia oan sira la’o ho distansia dook mak foin asesu ba sistema edukasaun,” dehan Afonso.
