Home Justisa GMPTL Kondena Makaas Aktu Insestu no Omesidu, Lidia: Vitima Sira Tenke Brani...

GMPTL Kondena Makaas Aktu Insestu no Omesidu, Lidia: Vitima Sira Tenke Brani Koalia Sai

572
0
Prezidente GMPTL, deputada Lidia Norberta. [Foto: Francisco JDA | 24.08.2020]

Reportazen David da Costa Gusmao

Relasiona ho kazu insestu no omesidu ne’ebe akontese iha Batugade, Postu Administrativu Balibo, Munisipiu Bobonaro, Grupu Mulheres Parlamentares Timor-Leste (GMPTL), kondena makasa aktu insestu ne’ebe autor DSP halo ba nia oan feto boot no ikus mai oho nia kaben MFF iha nia rezidensia.

Prezidente GMPTL, Deputada Lidia Norberta dos Santos Martins hateten relasiona aktu krime insestu ne’ebe autor  DSP halo ba nia oan feto boot rasik, iha nia rezidensia iha fulan Dezembru tinan 2020 ne’e , sasin ba aktu ida ne’e mak nia kaben rasik, no to’o ikus mai autor DSP lakon nia kaben MFF nia vida iha nia rezidensia iha loron 4 Marsu 2021.

“Iha loron 4 Marsu 2021, por volta de tuku 10.00 dadersan GMPTL ba diretamente ba iha mortuariu HNGV hodi haree diretamente akontesementu omesidu ne’ebe akontese iha Batugade, Postu Administrativu Balibo munisipiu Bobonaro, ne’ebe mak atur DSP halo ba nia kaben rasik”, dehan Lidia iha sesaun plenaria iha Parlamentu Nasional, 8/03

Nia haktuir tan katak iha diretu da vida ne’e konsagra ona iha KRDTL, No.1 iha artigu 29 katak labele viola ema ida nia vida, no iha KRDTL konsagra mos iha No, 1 artigu 30 katak ema hotu iha diretu ba liberdade, seguransa no integridade ba nia an rasik.

Nia Salienta autor laos komete deit krime omesidu deit, maibe antes ne’e halo ona aktus insestu hasoru nia oan feto boot, iha Dezembru 2020, ne’ebe mak aplika medida koasaun Termu Identidade Rezidensia (TIR), maske autor ne’e hetan TIR husi tribunal maibe GMPTL nota no  observa katak autor ne’e kontinua viola desizaun ne’ebe fo sai ona, hodi kontinua halo movimemtu, lao ba mai no ameasa intensivu ba iha nia kaben. nia oan no familia sira ne’ebe interven ba nia no nia sei oho sira hotu.

GMPTL kondena makaas aktu krime insestu, ameasa no omesidu ne’ebe mak DSP komete, hodi ikus hakotu nia kaben nia vida, haree ba krime omesidu ida ne’e GMPTL ho firmi ezije ba PNTL no Ministeriu Publiku  atu foti lalais  asaun urejente atu aselera, hodi bele hatama autzr ba iha prisaun preventiva no hein prosesu julgamentu.

“Sei ita aplika deit TIR, autor nuka kumpri lolos no sei viola TIR ne’e rasik husi tribunal, bainhira autor ne’e livre husi prizaun, nia sei halo aktu violasaun ba nia oan nain tolu no nia familia sira, sei autor mak la tama prizaun familia vitima no nia oan sira senti la seguru”, nia subliña.

GMPTL hakribi insestu, violasaun exual, violensia domestika no kualker violensia ne’ebe mak halakon ema nia vida. GMPTL hakarak enkoraja ba vitima sira tenke brani atu koalia sai, atu relata ba parte kompetente sira, hodi depende sira nia direitu no asegura prosesu tuir justisa ne’ebe vigora ona iha Timor-Leste.

Print Friendly, PDF & Email

LEAVE A REPLY

Please enter your comment!
Please enter your name here