Home Saude Kauza Hosi Tabaco Hamosu Moras Ne’ebe Oho Ema, Sancho: Haforsa Lei...

Kauza Hosi Tabaco Hamosu Moras Ne’ebe Oho Ema, Sancho: Haforsa Lei Tabaco Artigu 5

268
0
Ilustrasaun konaba para fuma tabaco. [Foto: Copyright globalcaja | 03.06.2020]

Reportazen Francisco JDA

Aliansa Nasionál Kontrola Tabaco Timor -Leste (ANCT-TL) hala’o konferensia imprensa liu hosi Sentru Informasaun Impaktu Covid-19 (SIIC), hodi relata situasaun kona ba  ema fuma Tabaco iha Timor-Leste, katak tabaco kauza prinsipál ba moras ne’ebé oho ema barak liu iha mundu hanesan stroke, diabetes, kankru, respiratoria krónika, asma, abortu no atakasaun fuan.

Tuir dadus hosi Organizasaun Mundiál Saúde (OMS) globalmemte produtu tabaku hamate ema besik miliaun 6 kada tinan. Tuir mós survei Demografia Saúde iha tinan 2018 mane ho idade produtivu hosi 53.7% no feto 4.7% mak uza produtu tabaku .

Porta Voz ANCT-TL, Sancho Fernandes ba jornalista sira hateten, dezafiu boot ida Timor-Leste hasoru mak ema ho idade kiik, hahú tiha ona uza produtu tabaco tuir dadus Global Youth Tobaco Survei (GYTS) hatudu katak mane foin sa’e hosi  42.4% no feto Foinsae 17.3% mak fuma.

“Foinsae sira hahú fuma sigaru la’ós agora dadauk mak ema sei sofre, moras mate no aleijaun, maibé futuru saúde públiku Timor-Leste  iha ameasa nia laran, ita nia oportunidade atu manán batalla hasoru mortalidade moras no aleijaun, tanba kauza hosi uja tabaku sai mihis no iha dezafiu nia laran. Ne’e konsekuensia hosi atividade promosaun industria, ne’ebé tabaco sira, halo baze enkoraza no dada foinsae sira hodi fuma tabaco, inklui implementasaun Lei tabaco ne’ebé seidauk organiza ho di’ak”, tenik Sancho Fernandes iha Salaun FONGTIL, 02/05.

Sancho husu ba governu atu reforsa implementasaun Lei Kontrola Tabaco, artigu 5 hanesan 100% iha fatin públiku livre hosi tabaco, fatin servisu no transporte públiku no envairomentu ne’ebé livre hosi tabaco.

Hametin mós dekretu Lei no.14/2016 Lei Tabaco, probisaun doasaun no parseria hosi industria tabaco no reforsa mós implementasaunlei tabaco artigu 17 no artigu 15, kona ba proebidu faan tabaco ba minoridade 17 mai kraik no proebidu faan sigaru rahun.

LEAVE A REPLY

Please enter your comment!
Please enter your name here