Home Notisia Mandatu Estrutura Atual KDTL Remata, Sei Hili Estrutura Foun Ba Períodu Foun

Mandatu Estrutura Atual KDTL Remata, Sei Hili Estrutura Foun Ba Períodu Foun

298
0
KDTL halo konferensia imprensa. [Foto: David | 15.10.2021]

Reportajen David da Costa Gusmao

Konfederasaun Desportu Timor-Leste (KDTL) iha loron 18-26 Outubru tinan ne’e, sei hahú halo prosesu rejistrasaun ba kandidatu estrutura foun KDTL nian, tanba  estrutura atuál KDTL ninia mandatu remata ona iha Loron 7 Marsu 2021.

Prezidente Asembleia Jerál Konfederasaun Desportu Timor-Leste (KDTL), Aniceto Goviea  Berlelo hatete, hahú ba estatutu KDTL Artigu 40 aliña 1, kada tinan haat Prezidente Meza Asembleia Jerál konvoka Kongresu atu eleze estrutura foun ba KDTL.  Ho ida ne’e KDTL hahu prosesu rejistrasaun ba kandidatu estrutura foun KDTL nian, tanba  estrutura atuál nia mandatu remata ona.

“Tanba situasaun Pandemia COVID – 19, mandatu estende kada fulan tolu to’o agora. Tanba ne’e ami  aprezenta ona prosesu hirak ne’ebé liga ho asembleia Jerál  KDTL  nia, atu halo prosessu rejistrasaun ba kandidatu  estrutura foun,  hahú husi Loron 18 to’o 26 Outubru tinan ne’e,” dehan Aniceto liu husi konferensia  imprensa, iha salaun KDTL GMT, Sesta 15/10.

Nia esplika kandidatu ba Prezidente Orgaun Prezidénsia sei priense no submete dokumentu sira hanesan, folmulariu kandidatura Prezidente Ezezkutivu , Lista Pakote Kandidatura,  foto koloridu background  mutin (4×6) tahan 4, Curriculum Vitae ( CV ), motivasaun kandidatura ba Prezidente CDTL (Inklui vizaun no misaun ), proposta programa ba KDTL durante mínimu tinan 4 nia laran, deklarasaun konaba livre husi dupla funsaun tipu iha Orgaun Desportiva no  Atestadu Médiku.

Nia dehan verifikasaun dokumentu sei realiza iha loron 27-29 Outubru, anúnsiu rezultadu verifikasaun iha loron 4 Novembru, rekursu ba rezultadu verifikasaun sei hahú iha Loron 5-8 Novembru no anúnsiu rezultadu rekursu iha Loron 9 Novembru. 2021 Periódu konsolidasaun husi kandidatu sira hahu husi loron 10 to’o 17 Novembru  no Asembleia Jerál sei realiza iha loron 20 Novembru tinan ne’e.

Print Friendly, PDF & Email

LEAVE A REPLY

Please enter your comment!
Please enter your name here