Reportazen Francisco JDA
Centru Integradu Jestaun Krize [CIJK], liu hosi portavoz, Dr. Sergio Lobo hatoo informasaun konaba situasaun Covid-19 ba loron 15 Abril. Ba jornalista sira liu hosi konferensia imprensa iha CCD hateten, tuir dadus loron 15 Abril to’o ohin oras 12:00 meudia, total ema ne’ebe iha kuarentena hamutuk 569, iha Dili 456 no municipio sira 113. Suspeitu ne’ebe halo teste hamutuk total 210, ema nain 8 konfirmadu positivu, 1 kuradu no nain 7 halo tramentu iha Vera Cruz ho kondisaun estavel, tuir relatoriu ne’ebe mak CIJK simu dadauk no iha kazu provavel nain 6, nain 31 se hein rezultadu no 167 mak negativu.
Ho situasuan ida ne’e Dr. Sergio Lobo hatoo ba populasaun atu labele kontinua paniku no kontinua fo konfia ba iha governu no Ministeriu Saude katak kazu sira ne’ebe positivu ne’e hosi klaster ka grupu ida deit ho istoria viajen comum ba sira hotu, tanba Bis ne’ebe tula sira ne’e aluga hosi Ministeriu Saude hodi tula mai iha fatin kuarentena no lokaliza hotu ona.
Tuir dadus katak Bis Bintang tula estudante feto hamutuk 18 no Bis Beckham tula estudante mane total 19 ho motorista nain 2 no ajudante nain 3. Total hamutuk 33 kuarentena iha fatin ida, motorista nain 2 ho konjak nain 3, hamutuk ema 42 hetan teste hotu ona. Motorist ho konjak nain rezultadu negativu.
