Reportajen Umbelina dos Reis
Primeiru Ministru Kay Rala Xanana Gusmão hateten, ema barak preokupa ho liberdade imprensa Timor-Leste ne’ebé antes ne’e top 10 tun ba 20 la signifika ita ladi’ak iha Mundu.
“Iha mundu ha’u la temi nasaun ne’ebé boot liu ita maibé Timor-Leste númeru top 10 tun ba 20, Franca 21, UK 23, Espanha 30, Australia 39, Italia 46, Estadus Unidus 56, Brasil 82, Thailand 87, Guine-bisau 92, Indonezia 111, Singapura 126, Guine Equatorial 127, Cambodia 151 no selu-seluk tan.” Nia esplika.
Nia dehan, konaba problema hirak ne’e imi mos loke matan ba mundu hodi haree, la’os justifika de’it dehan ita mak di’ak liu, afinal lae, nune’e lalika hakfodak.
“Ezemplu nasaun bo-boot ne’ebé hanorin ita konaba liberdade imprensa nia ntumeru sei tun, maibé ita nia nasaun liberdade imprensa top 10 tun ba 20 ne’e ita hanoin dehan la di’ak ona iha mundu, ne’e ita nia hanoin iha kuartu laran de’it.” Nia esplika.
