Home Notisia MNEK Sei Halo Enkontru Ho Ministeriu Sira, Oinsa Halo Evakuasaun Estudante Timor...

MNEK Sei Halo Enkontru Ho Ministeriu Sira, Oinsa Halo Evakuasaun Estudante Timor Iha China

174
0
Ministru Negosiu Estranjeiru no Kooperasaun [MNEK], Dionisio Babo . [Foto: Santina Lucia da Costa | 27.01.2020]

Reportazen Santina Lucia da Costa

Virus corona ne’ebe agora sai preokupasaun boot iha nasaun lubuk ida, ne’ebe hahu afeita hosi cidadade Wuhan iha rai Xina, ne’ebe rezulta ema barak mate no moras. Ho situasun ida ne’e, povu Timor preoukupa ho estudante Timor ne’ebe halo sira nia estudu iha nasaun Xina.

Ho preokupasaun ida ne’e, Ministru Negosiu Estranjeiru no Kooperasaun [MNEK], Dionisio Babo hateten 170 estudantes iha China, no hela iha Wuhan entre 18 to 20 estudantes.

Ita nia estudantes sira iha ne’eba hela, tanba ne’e mak ohin sira tenta ona para iha enkontru ida nivel ministerial, hodi haree medidas saida mak ita bele halo, karik ita kontaktu governu Chineses bele haree, se bele ita nia estudante sira ne’e agora hela de’it iha asrama, sira labele sai tenki taka hotu sira nia-aan, para labele hetan moras”, hateten Dionisio, iha palacio prezidensia 27/01.

Dionisio hatutan katak moras ne’ hadaet ona ba nasaun barak, husu ba maluk Timoroan sira kuidadu an, para tuir guia ne’ebé mak Ministeriu Saude hamutuk ho organizasaun mundial fó sai tiha ona, tenki fase liman bei-beik, labele kaer liman ho ema seluk arbiru de’it, labele ba besik ema ne’ebé mak fanin beibeik, kuandu moras ne’e kona bele kria nomenia, no mós bele halo ema mate.

“Atu evakua estudante sira iha china ami sei koordena, MNEK sei halo reuniaun lai ho ministeriu sira, hodi hare asumtu ida ne’e, no governu halo ona kontaktu ho estudante sira iha China, no sira nia kondisaun diak hotu, sira balun relijiosu no militar”, hateten Dionisio

LEAVE A REPLY

Please enter your comment!
Please enter your name here