Home Notisia Grupu Profesor Portugueses Iha Liquisa, Rezultadu Teste Nain 1 Positivu, 1 Provavel,...

Grupu Profesor Portugueses Iha Liquisa, Rezultadu Teste Nain 1 Positivu, 1 Provavel, Motorista Negativu

907
0
Uma antigu Portugues iha municipio Liquica. [Foto: Copyright Google | 20.04.2020]

Reportazen Zevonia Vieira

Centru Integradu Jestaun Krize [CIJK] informa ba publiku relasiona ho kazu grupu professor Portugueses iha Liquisa.

Liu hosi konferensia imprensa, Portavoz CIJK, Dr. Rui Araujo informa katak grupu refere iha ema nain rua ne’ebe oras ne’e dadaun iha Timor-Leste, bolu ho naran Sub-grupu TL, no ema ida ne’ebe detekta iha Portugal bolu ho naran sub-grupu P.

Dr. Rui hateten katak sub-grupu TL la hela hamutuk iha uma ida ho sub grupu P. Sira ne’e mos viajen mai Timor-Leste iha period ne’ebe la hanesan. Sub grupu TL to’o iha Timor-Leste iha loron 28 Fevereiru 2020, sub grupu P to’o iha Timor-Leste iha loron 8 Marsu.

“Sub grupu TL to’o agora la iha sintomas, maibe tanba tama kriteriu kontaktu besik ho sub grupu P, sira submete ba ezame laboratorial no rezultadu ikus konfirmasaun hosi Royal Darwin Hospital hatudu katak ida positivu ho karga viral kiik oan no ida seluk indeterminadu”, hateten Dr. Rui Araujo, iha CCD 20/04.

Dr. Rui hatutan sub grupu P hahu hatudu sintomas durante nia viajen fila ba Portugal iha loron 4 Abril, hafoin halo ezame laboratoriu no hetan positivu. Profesor sira ne’ebe hela hamutuk uma ida hosi sub grupu P, hatudu ezame laboratoriu negativu, inklui motorista ne’ebe tula professor sira ba mai mos rezultadu negativu.

“Hahu vigora estadu emerjensia, profesores sira idak-idak hela iha uma, halo distansiamentu sosial, fiziku no kumpri regra ijiene pessoal”, hateten Dr. Rui Araujo

Agora dadauk total ema 27 mak hamutuk iha fatin izolamentu Vera Cruz, provavel ho konfirmadu positivu hela iha salaun ne’ebe diferente. Ekipa medika sira monitoriza hela sira, inklui mos iha akompanhamentu spiritual no psikolijiku online liu hosi WhatsApp. To’o agora ekipa vijilansia epidemilojika iha Liquisa sedauk detekta kazu suspeitu ruma iha Liquisa.

Print Friendly, PDF & Email

LEAVE A REPLY

Please enter your comment!
Please enter your name here