Home Notisia Pagamentu Ba Hotel no Kompania Sira Ne’ebe Tein Atraza Tanba Hotel Balun...

Pagamentu Ba Hotel no Kompania Sira Ne’ebe Tein Atraza Tanba Hotel Balun Laiha Lisensa

1321
0
Ministra Saude, Dra. Odete Maria Freitas Belo. [Foto: Santina Lucia da Costa | 02.07.2020]

Reportazen Santina Lucia da Costa

Situasaun ba moras surtu Covid-19 ne’ebe konsege afeta mai Timor-Leste, hodi governu desizaun estabelese kuarentena obrigatoriu, ba maluk timoroan sira ne’ebe mak fila hosi nasaun afetadu, ho nune governu tenke halo kontratu ho hotel sira iha Dili laran no kompania ne’ebe mak tein ba maluk sira iha kuarentena no ba seguransa sira.

Hotel nain no kompania sira ne’ebe mak durante ne’e fasilita maluk timoroan sira hosi nasaun afetadu, hodi kuarentena-an iha hotel sira no konsume hahan sira ne’ebe kompania sira tein, to’o ohin loron governu sedauk halo pagamentu.

Ministra Saude, Dra. Odete Maria Freitas Belo informa ba jornalista sira katak, iha situasaun ida bainhira Covid-19 mosu, la espera katak presiza hotel sira, ita konsiente iha tempu ne’eba katak hotel sira taka hotel.

“Iha tempu ne’eba Ministriu Saude mak loke sira nia hotel no hotel sira mos dokumentus la preparadu, dalaruma balun lisensa laiha, ami ba husu atu uza sira nia hotel, dalaruma kontratu teb-tebes la halo entaun pagamentu ne’e atraza iha ne’e”, hateten Ministra Saude ba jornalista sira iha palacio governu, 2/07.

Ministra Saude hateten tenke prepara fali dokumentus sira nian ne’ebe laiha, tanba entre Ministeriu Saude ho sira mos laiha. Tenki hili dokumentus sira ne’e tau hamutuk mak foin bele ba iha prosesu pagamentu. Atu iha kondisoens ne’ebe de’it prosedimentu pagamentu ne’e tenki lao nafatin, tuir nia liña, ida ne’e mak halo atraza”, hateten, Dra. Odete Maria Freitas Belo, ba jornalista sira, hafoin enkontru ho Xefe Estadu, iha Palasiu Prezidensia, Nicolau Lobato, Aitarak-Laran, 2/7.

Dra. Odete Maria Freitas Belo informa orsamentu ba hotel, aihan, seguransa ne’e iha, maibe sira sei prepara dokumentus, Ministeriu Saude la promete loron pagamentu, tanba prosesu pagamentu ne’e laos Ministeriu Saude de’it no orsamentu aloka ba hotel, aihan no seguransa sira ne’e, mais menus $ 2 miloens.

LEAVE A REPLY

Please enter your comment!
Please enter your name here