Reportazen Santina Lucia da Costa
Sekretariadu Tekniku Administrasaun Eleitoral (STAE), iha fulan Marsu 2020 rezista ona eleitores sira hamutuk 813 mill no mai iha fulan Junhu nan tanba estadu emerjensia, STAE suspende prosesamentu eleitoral.
Diretor Jeral STAE, Edigar Siqueira Martins hateten hala’o rezistu, foin hahu iha 30 Juñu 2020. Hahu loke fali ona prosesamentu eleitoral, tanba haree ba situasaun ameasa COVID-19 hahu menus no Estadu Emerjensia mos remata ona, entaun STAE loke fali ona ba atendimentu publiku iha teritorio tomak
Diretor Jeral STAE hatutan ba sira ne’ebe mak foun mak rezistu ona serkade 4-5% husi eleitores ne’ebe mak STAE rezista, eleitores foun sira ne’e loron ba loron numeru sempre sae, joven sira idade 16-17 sira maihahu rezista iha STAE, hodi halo kartaun eleitoral.
Edigar Siqueira Martins deklara STAE la rezista ema estranjeiru, STAE rezistu sidadaun Timor sira ne’ebe mak iha direitu ba votu ka tuir eleisaun.
