Home Notisia CNE Organiza Workshop Konaba Funsionamentu Lei no Lalaok Eleitoral

CNE Organiza Workshop Konaba Funsionamentu Lei no Lalaok Eleitoral

369
0
CNE organiza formasaun. [Foto: Santina Lucia da Costa | 01.07.2020]

Reportazen Santina Lucia da Costa

Comisaun Nasional Eleisaun (CNE) organiza Workshop nasional ho tema “Diskusaun no Partilla informasaun konaba lala’ok eleitoral iha Timor-Leste”. Objetivu hosi workshop ne’e atu hametin liutan orgaun rua hanesan CNE no STAE.

Prezidente CNE, Alcino de Araujo Barris hateten formasaun ne’e atu hametin liu orgaun eleitoral, liuliu sira nia kompetensia entre CNE ho STAE, haree liu ba iha funsionamentu Lei, tanba orgaun rua ne’e dalaruma dezentende malu hela. STAE ho CNE lao ketak ne’e labele.

Alcino de Araujo Barris hatutan hametin liu orgaun rua ne’e ninia meritu, atu bele hala’o serbisu ho profesional, tenki domina regra sira. Instituisaun rua tenki parseria hala’o hamutu no tuir regras, nakloke ba ema hotu-hotu para haree, para evita ema nia deskonfiansa, evita iregularidade no evita buat sira ne’ebe mak lalos.

Iha fatin hanesan Diretor Jeral, Sekretariadu Tekniku Administrasaun (STAE), Edigar Siqueira Martins, hateten atividade koalia konaba serbisu ne’ebe STAE hala’o ona durante ne’e, liuliu iha momentu eleisaun sira no mos post-eleisaun, ba serbisu ne’ebe mak orgaun rua ne’e hala’o.

“Materia konaba kompetensia ne’ebe Lei hatur ba CNE, STAE no mos oinsa ami konjuga hamutuk ami nia serbisu sira ne’e iha terenu bainhira hala’o serbisu, tanba Lei STAE ezekuta aktu eleitorais sira ne’e no mos CNE superviza STAE nia serbisu”, hateten Diretor Jeral STAE, Edigar Siqueira Martins, iha salaun CNE 01/07.

Materia sira ne’ebe aprezeta iha formasaun refere mak hanesan aktus lisensiamentu ninia prosedimentus tomak, konaba kampanhia eleitoral, votasaun, apuramentu, sobensaun ba partidu politiku sira tuir regra, kodiku penal, depois kazu mosu oinsa mak partisipasaun, medidas saida mak tenki hola, buat sira ne’e hotu sai materia, materia ne’e mak tenki refleta di’ak.

LEAVE A REPLY

Please enter your comment!
Please enter your name here