Reportajen Silvino Freitas
Kompania Hortus husi Nova Zelandia sei rekruta traballador nain 20 no dadaun nee halo ona teste ba treballador nain 50 neebe rejistradu iha RSE atu ba servisu, nunee forsa servisu neebe kompana atu fo maioria mane nian no sira presiza traballador neebe hatene lingua diak atu halo komunikasaun iha servisu fatin.
Diretor Diresaun Nasional Empregu Esterior (DNEE) Joao Correia dehan, empregador Hortus husi Nova Zelandia dadaun iha intesaun atu halo rekrutamentu ba traballador timoroan neebe dadaun nee rejistu ona sistema RSE nian tanba nee nain ba kompana dadaun nee halo ona entrevista ba traballador sira hamutuk nain limanulu, maibe traballador neebe parte SEFOPE halo screening liu atus ida maibe husi kompana hili deit limanulu husi screening neebe dadaun nee atu halo entrevista no kompana sei rekruta ema rua nulu.
“sira neebe dadaun nee tuir teste maioria mane, sira nee sei ba servisu iha area horticultura ho durasaun fulan hitu” dehan Diretor DNEE Joao Correia iha City 8, (14/04).
Diretor DNEE Joao Correia dehan tan, kandidatu neebe tuir rejistrasaun iha via online neebe rejista iha SEFOPE hamutuk 21.000 iha tinan kotuk husi teste screening nee iha 2000 resin mak liu iha teste refere, nunee dadaun nee traballador nain 10 mak iha ona Nova Zelandia no tuir tan mak teste husi empregador Vaiujin maibe teste refere presiza ema ho rekezitus iha sertifikadu ILTES ho valor 4.0 ba leten nee tuir rekezitus husi empregador nunee iha terseiru maka empregador Hortus no sei iha tan empregador rua neebe sei mai tan iha Maiu nia laran neebe sei rekruta ema liu 50.
Manajer Recrutamentu husi empregador Hortus Lee Du Preez dehan, husi sira nia empregu presiza tebes ema neebe abilidade atetudi neebe diak nunee ba sira komunikasaun nee importante tebes tanba nee husi teste neebe dadaun nee sira halo ona sira mos hetan kandidatu neebe koalia diak iha lian ingleza no espera sira sei hetan kandidatu neebe diak liu.
“timor leste nasaun foun neebe sira nia nasaun foin halo rekrutamentu sira sei hahu ema nain 20 no tempu tuir mai sira hakarak rekruta tan ema atus ida too atus rua” dehan manajer empregador Hortus Lee Du Preez ba jornalista sira iha City 8.
Lee Du Preez konklui, sira nia kompana sei rekruta uluk ema nain 20 atu sir abele iha uluk konesimentu ba kultura nasaun Nova Zelandia nian nunee ba oin sira bele halo rekrutamentu neebe barak liu tan iha sira nia kompana, nunee ba dadaun nee servisu neebe sira nia kompana halo rekrutamentu ba nee presiza servisu neebe mane nia forsa no iha sira nia kompana iha traballador feto tanba nee tuir mai sira sei presiza traballador ho pezu feto kapasidade.
