Home Notisia UNDP ho Governu Lansa CORE-TL, Realiza Eleisaun Resiliente Ba COVID-19 no Inklusivu

UNDP ho Governu Lansa CORE-TL, Realiza Eleisaun Resiliente Ba COVID-19 no Inklusivu

326
0
UNDP, reprezentante governu no embaixada Japaun asina akordu. [Foto: copyright media UNDP | 19.04.2021]

Reportazen Zevonia Vieira

Ses-husi pandemia COVID-19 ne’ebé la’o hela, Timor-Leste nu’udar nasaun joven-liu iha Asia, halo ona preparativus ba proxima eleisaun presidensial no parlamentar iha tinan 2022 no tinan 2023.

Liu hosi komunikadu imprensa UNDP nian, ne’ebe Neon Metin asesu esplika katak maske Timor-Leste maior parte eskapa husi propagasaun pandemia, surtu esporadiku iha inisiu 2021 hatudu nesisidade atu iha esforsu adisional, hodi mantein siguransa publika, no iha tempu hanesan hala’o funsaun regular demokrasia representativa.

Husi tempu ba tempu, Eleisaun presidensial no parlamentar hatudu melloramentu, jestaun administrasuan prosesu sira, liu-husi komprimisu boot governu-nian ba transparansia no profesionalizmu eleitoral. Susesu ne’e, halo The Economist Intelligence Unit klasifika Timor-Leste nu’udar pais ne’ebé nia demokrasia diak-liu ka Numeru dahuluk iha Sudeste Asiatiku iha tinan 2016.

Programa Nasoens Unidas ba Dezenvolvimentu (PNUD) apoiu tiha ona progresu hirak ne’e hahu kedas husi tinan 2015,  no ohin asina dokumentu projetu ho Governu Timor-Leste, hodi lansa projetu foun ho naran Covid-Resiliente Eleisaun iha Timor-Leste ka “COVID-Resilient Elections in Timor-Leste” (CORE-TL) atu apoia Secretariado Técnico de Administração Eleitoral (STAE) no Comissão Nacional de Eleições (CNE) atu realiza Eleisaun ne’ebé resiliente ba COVID-19 no inklusivu iha nivel nasional no munisipal. Projetu ne’e, finansiadu husi doasaun tokon $4 (millaun haat) husi governu Japaun no mos Rihun atus Tolu ($ 300.000) Co-Finansiamentu husi Governu Timor-Leste atu  sosa tinta eleisaun no mos hala’o programa edukasaun eleitoral. Husi populasaun tokon 1.3 Timor-Leste iha eleitor elegíveis 829,236 (63%). Ho prosedimentu votasaun kada ema no kontazen iha loron-hanesan, eleisaun iha ameasa COVID-19 tamba sei halibur ema-barak. Relasiona ho ne’e, Projetu CORE-TL sei asegura munisipiu hotu inklui RAEOA iha infranstutura votasuan ne’ebé resiliente hasoru COVID-19, inklusivu no ambientalmente amigável.

Total Projetu ho tokon $4.3 sei resolve kestaun resiliensia longu-prazu no mos ameasa pandemia fornese inovasaun eleitoral no Konsiensializasaun informasaun Covid-19 no fó asistensia ba orgaun administrasaun eleitoral ho dezenvolvimentu prevensaun nesesariu no planu resposta.

Ho foku barak-liu ba inklusaun, projetu sei hametin partisipasaun no representasaun husi joven, feto, no ema ho difisiente iha politika, la’os deit nu’udar eleitor, maibe mos hanesan funsionariu eleitoral bele mos sai kandidatu. Nomos Kontein kapasitasaun signifikativa ba ekipa jestaun eleitoral, jornalistas no media atu garante asesu informasaun ne’ebé los kona-ba eleisaun no Covid-19.

Representante Residente PNUD iha Timor-Leste, Munkhtuya Altangerel hateten COVID-19 kria tiha ona normalidade-foun tamba ne’e, presija atu reforsa parseria no hanoin inovativu kona-ba integrasaun resiliensia iha prosesu demokrasia no infrastutura.

PNUD sei implementa projetu refere ho kolaborasaun ho Agensia Nasoens Unidas seluk, parseru dezenvolvimentu, sosiedade sivil no akademia.

Asinatura serimonia ne’e, konta ho prezensa Ministro Administração Estatal (MAE), Miguel Pereira de Carvalho, Encarregado Assuntos Embaixada Japão,Hirashima Shusaku, Representante Residente  PNUD, Munkhtuya Altangerel, Presidente  CNE, Alcino Araújo Barris no  Diretor Geral STAE, Acilino Manuel Branco ne’ebé partisipa hotu iha lansamentu online.

Charge d’Affaires a.i.  Embaixada  Japão, Hirashima Shusaku hateten Japaun apoiu tiha ona Timor-Leste nia demokrasia durante tinan 20, hahú kedas iha tinan 2001 wainhira Asembleia Konstituente akontese. Ami espera projetu ne’e realiza ho parseria ho UNDP no sei kontribui mos ba prosesu  demokrasia Timorense, maske iha situasaun difisil ho Covid-19.

Fatin hanesan Ministru Administrasaun Estatal, Miguel Pereira de Carvalho hateten  COVID-19 hamosu buat hirak ne’ebé nunka akontese iha pasadu, maibe difinitivamente nesesita, ida mak refere ba projetu CORE-TL. Nia intrudusaun importante atu hametin  demokrasia Timor-Leste. Maske ita iha situasaun epidemolojiku maibe demokrasia tenke saudavel nafatin.

Print Friendly, PDF & Email

LEAVE A REPLY

Please enter your comment!
Please enter your name here