Home Saude Covid-19, Dr. Rui: Governu Koordena Ona Ho Brigada Mediku Cubanu Atu Reforsa...

Covid-19, Dr. Rui: Governu Koordena Ona Ho Brigada Mediku Cubanu Atu Reforsa Mediku MS nian

336
0
Portavoz CIJK, Dr. Rui CIJK. [Foto: Francisco JDA | 14.04.2020]

Reportazen Zevonia Vieira

Situasaun moras surtu Covid-19 iha Timor-Leste nia numeru positivu ne’ebe konfirmadu hamutuk nain 6.  Ba situasaun ida ne’e, publiku barak preokupa ho numeru mediku ne’ebe karikla to’o, sekarik numeru aumenta bebeik.

Neon Metin halo konfirmasaun karik Centru integradu Jestaun Krize [CIJK] iha ona preparasaun hodi bolu mediku sira hosi rai liur, atu haforsa serbisu mediku sira iha rai laran?

Ba Neon Metin, portavoz CIJK, Dr.Rui Araujo hatan preparasaun halao hela ona, koordenasaun ne’ebe ita halo diak liu mak ho Brigada Mediku Cubana.

“Sira nia medikus lubuk ida ne’ebe oras ne’e dadauk halao hela serbisu iha Timor-Leste, sira barak mak iha ona esperiensia iha epidemias lubuk ida iha Afrika hanesan moras Ebola. Oras ne’e dadauk Ministeriu Saude no mos Sala de Situasaun halao hela kontaktus ho sira, atu oinsa mak aproveita sira nia skill ho sira nia konnesementu atu bele reforsa tan ekipa sira ne’ebe Ministeriu Saude prepara”, informa Dr.Rui iha centru media CCD, 14/04.

Hosi dadus konaba Covid-19 ohin loron nian CIJK aprezenta katak ema ne’ebe agora dadauk hela iha konfinamentu obrigatoriu total 570, ema ne’ebe ita deskonfia siginifika hatudu sintomas no mai hosi fatin afetadu no iha kontaktus hamutuk 178 [numeru akumulativu hosi 6 Marsu to’o ohin loron].

Hosi ema 178, iha 34 mak hein rezultadu hosi laboratoriu, iha nain 6 mak konfirmadu, hosi nain 6 konfirmadu ne’e ema 1 kuradu tiha ona, nain 5 mak iha fatin izolamentu, ne’e signifika katak iha oras 24 nia laran ne’e,  iha tan nain 2 mak rezultadu hatudu konfirmadu positivu no restu negativu.

LEAVE A REPLY

Please enter your comment!
Please enter your name here