Home Notisia Embaixador Cuba aprezenta Karta Kredensial ba PR, Loro: Cuba Haluantan Kooperasaun Ho...

Embaixador Cuba aprezenta Karta Kredensial ba PR, Loro: Cuba Haluantan Kooperasaun Ho TL

351
0
Prezidente da Republika, Francisco Guterres Lú Olo, simu karta kredensial hosi Embaixador Kuba ba Timor-Leste, Omar Lauro Marreto Betancourt,. [Foto: Copyright Media PR | 27.01.2020]

Reportazen Santina Lucia da Costa

Prezidente da Republika, Francisco Guterres Lú Olo, simu karta kredensial hosi Embaixador Kuba ba Timor-Leste, Omar Lauro Marreto Betancourt, hateten hakarak reforsa kooperasaun Timor-Leste no Kuba ne’ebe halao tiha ona desde nasaun rua, estabelese tiha ona no haluan ba setor sira seluk.

Ministeriu Negosiu Estranjeiru no Kooperasaun (MNEK), Deonisio da Costa Babo Soares esplika katak ohin Embaixadór foun Cuba nian mai hato’o kredensial no nia hato’o mós komprimentus husi Prezidente Cubano nian ba Prezidente ita nian, depois retira mós sira nia komprimisu atu serbisu hamutuk nafatin ho Timor-Leste, liu-liu iha formasaun ita nian mediku sira nian.

Deonisio Babo hatutan, Timor-leste agradese ba apoiu husi Kuba maka’as tebes, liu hosi forum multilateral sira ne’e, liuliu konaba buat sira ne’ebé hasoru dadaun iha mundu. Ita nia Prezidente mós hato’o katak Timor-Leste hanesan pais ki’ik ne’ebé hanesan ho Cuba ate kompremete nafatin bele kontinua kooperasaun ida ne’e, no mós harii oinsa maka bele fortalese liu tan relasaun amizade kooperasaun entre pais rua ne’e.

Iha komunikadu imprensa hosi media palacio prezidensia esplika katak, kooperasaun entre Timor-Leste no Cuba, halao iha area saude no edukasaun, turismu nudar setor ida ne’ebe Cuba bele fo apoiu ba Timor-Leste.

Embaixador Timor-Leste ba Cuba, Loro Horta iha komunikadu imprensa esplika katak vontade governu Cuba atu haluan kooperasasaun reforsa liutan ho Timor-Leste.

Iha Fatin hanesan Embaixadór Omar Betancourt agradese apoiu Estadu Timor-Leste hodi kontinua fó apoiu hodi kontra blokade hasoru povu Cubanu.

Ohin loron médiku Cubanu hamutuk 157, hala’o serbisu iha Timor-Leste, destakadu iha Díli no munisípiu sira. Governu Cuba fó apoiu profisóres ba Fakuldade Medisina UNTL ,ne’ebé harii iha 2005. Cuba fó kapasitasaun rekursu umanus, jestaun medikamentus no ekipamentu médiku, asesoria ba ezekusaun programa kuidadus primáriu saúde, servisu ba reabilitasaun no reparasaun no manuntensaun ekipamentu no investigasaun.

Cuba fó apoiu ba kampaña alfabetizasaun ne’ebé hahú iha 2007 no kontinua liuhusi programa ‘Yo Si Puedo/ Sim Eu Posso’ ne’ebé asina entre Ministériu Edukasaun Timor-Leste ho Kuba iha 2015.

Iha 2017, Ministériu Saúde Timor-Leste asina akordu ho Governu Kuba liuhusi Embaixadór, Oscar Coet Blackstock, hodi haruka estudante Timoroan na’in-29 estuda medisinia espesialista no mastradu iha Kuba.

Iha 2003, Prezidente Kuba, Fidel Castro hasoru malu ho Prezidente Timor-Leste, Xanana Gusmão, no Ministru Negosiu Estranjeiru no Kooperasaun, Ramos Horta, iha Malasia hodi inisia kooperasaun. Fidel Castro oferese kedas bolsu estudu 50 ba estudante Timoroan estuda medisina iha Kuba no promete atu forma médiku timoroan hamutuk 1000.

Ministru Negosiu Estranjeiru no Kooperasaun, Dionísio Babo, hateten katak ohin loron Timor-Leste iha ona médiku formadu husi apoiu Governu Cuba nian hamutuk 1018. Ho médiku Timoroan ne’ebé formadu hamutuk 1018, promesa Fidel Castro nian hodi forma realiza tiha ona.

Ministru Dionísio Babo informa katak Governu Cuba husu ba Governu Timor-Leste, atu fó serbisu ba Cubanu sira, tuir kontratu ne’ebé iha, la’ós la bazeia fali ba akordu ne’ebé asina.

Cuba nu’udar nasaun ida ne’ebé apoiu Timor-Leste ninian luta ba independénsia desde inísiu to’o hetan vitória.

Print Friendly, PDF & Email

LEAVE A REPLY

Please enter your comment!
Please enter your name here