Reportajen David da Costa
Ekipa Avalisaun Indepedente ba fundu Petrolíferu husi Impresa Mercer America nian, Sei halo Avalisaun ba Fundu Minarai Timor -Leste nian, tanba desde kria tiha Fundu Minarai iha tinan 2005 to’o agora seidauk ekipa ida maka halo avalisaun ba iha Fundu Minarai ne’e.
“Avaliasaun Indepedente ida ne’ebé pela primeira vez ita halo ba Fundu Minarai. Desde ita kria Fundu Minarai iha 2005 to’o agora seidauk halo avalisaun ruma. Portantu avaliasaun ida ne’e para atu haree husi parte governasaun, husi parte investimentu, husi parte rekursus, husi parte operasional, ida ne’e ita iha dalan loos ona galae. Ida ne’e foin primeira vez atu halo husi Impresa boot ida Naran Mrecer husi Amerikana tinan 70 resin tiha ona, sira iha nia jabang iha fatin-fatin, maibé sira mai ne’e iha Singapura hahú oin to’o sexta feira,” dehan Ministru Finansas (MF) Rui Augusto Gomes bainhira remata Enkontru ho Primeiru Minstru (PM) Taur Matan Ruak iha Palásiu Governu, segunda 5/06.
Nune’e mós Goverante ne’e, espera to’o julliu no Agusto Governu bele hetan relatoriu kona-ba Fundu Minarai ne’e halo nusa, husi ekipa Avalisaun Indepedente ba fundu Petrolíferu husi Impresa Mercer America nian ne’e.
Envolve iha Avalisaun indepeden ba fundu minarai ne’e rasik, maka Ministru Finansas no Banku Cental. Tanba meneser operasional ne’e maka Banku Central, no Ministru Finansas maka supervisiona entermu politika, portantu ida ne’e sira sei haree hotu no governasaun ne’e la’o to’o ne’ebé.
Alende ne’e mós ohin Ministru Finansas mós informa kona-ba ezekusaun orasamentu jeral estadu nian ba Primeiru Minstru Taur Matan Ruak. “kona-ba ezekusaun orsamental, iha mudansa uituan la dook husi siginifikativu, maibé dadun ne’e ita ezekuta husi totál 438 millaun dolar atinje 20%, kuandu ita haree husi totál, maibé kuandu ita haree husi administrasaun sentral ita nia ezekusaun ne’e to’o iha 24%, no RAEOA 10% sira nia orsamentu total 120 millaun, husi Institutu Nasional Seguransa Sosial foin 0% nomós fundu reserve seguransa sosiál mós 0%, ida ne’e tanba ami sei hein sira haruka nia relatoriu mai ho planu ezekusaun nian ba tinan ida ne’e nian”.
Govenante ne’e mos dehan ezekusaun orsamentu Ministru sira kompara ho Munisipiu, Munsipiu nian ezekusaun 41% diak liu fali Ministeiru sira, portantu ida ne’e buat ida diak tebes.
