Home Notisia Covid-19, PR: Ema Barak La Asesu Hahan, Desnutrisaun, Anemia no Moras Seluk...

Covid-19, PR: Ema Barak La Asesu Hahan, Desnutrisaun, Anemia no Moras Seluk Aumenta

373
0
Prezidente da Republika, Dr. Francisco Guterres Lu Olo. [Foto: Media PR | 29.05.2020]

Reportazen Santina Lucia da Costa

Situasaun krizi nebe mak halo mundu tomak preokupa ho prezensa moras virus Corona, hamosu impaktu ba iha dezenvolvimentu ekonomia.

Hafoin Prezidente da Republika fo posse ba membru governu nain 8, liu hosi deskursu Prezidente da Republika, Dr. Francisco Guterres Lu Olo hateten moras pandemia Covid-19 hamosu kauza bai ha moris povu nian hanesan hamlaha, ekonomia uma laran la sufsiente no kompania barak mak taka

“Produtu internu tun maka’as tebes, família sira no ema ladún iha osan iha bolus no nune’e, sira labele sosa ona sasán hanesan uluk. Iha situasaun hanesan ne’e, ita bele haree katak  númeru família barak liután mak ladún ona iha asesu ba hahán. Aumenta kazus desnutrisaun, rakitismu, anemia no moras sira seluk”, hateten Prezidente Republika Francisco Guterres Lu-Olo, iha Palasiu Prezidensial, Nicolau Lobato, Bairu-Pite, Dili, loron, 29/5.

Lu-Olo hatutan Konsellu Ministru ho orientasaun husi Primeiru-Ministru, Taur Matan Ruak, foti medida sira hodi hamenus problema sira ne’ebé mosu ho estadu emerjénsia. La’ós fásil foti desizaun ne’e,  la deklara estadu emerjénsia, bele loke dalan ba situasaun ida ne’ebé ita lakon kontrola no bele hamonu liután ita-nia sistema saúde ne’ebé fraku hela. Tanba ita labele prevé saída mak sei akontese, la deklara estadu emerjénsia bele loke dalan ba ema mate barak liután.

Nia dehan Planu ekonómiku atu hatán ba Covid-19 ho inisiativa governu nian, haree ba objetivu rekuperasaun hafoin pandemia. Planu ida ne’e foka liu-liu ba ema no haree mós oinsá ita halo rekuperasaun ekonómika.

Tuir planu ne’ebe iha,  tokun atus ida haat nulu resin rua, aloka ona ba fulan tolu tutuir malu,  kontribui dadaun ba hamenus susar ba uma-kain sira, ema ida-idak, traballadór no emprezáriu sira.

“Governu hatudu ninia matenek ho desizaun ida ne’e no importante tebes hala’o ninia lala’ok sira ho efikásia.” Tenik Lu-Olo.

LEAVE A REPLY

Please enter your comment!
Please enter your name here