Home Notisia Membru Governu nain 8 Simu Posse, Lu Olo: Tenke Sakrifika-an no Rona...

Membru Governu nain 8 Simu Posse, Lu Olo: Tenke Sakrifika-an no Rona Kbiit Laek nia Lian

897
0
Prezidente da Republika fo posse ba membru governu nain 8. [Foto: Santina Lucia da Costa | 29.05.2020]

Reportazen Santina Lucia da Costa

Liu hosi deskursu Prezidente da Republika hateten membru governu sira tenke halo serbisu ho diak no susesu ba Timor-Leste ida diak liutan.

“Simu knaar nu’udar membru Governu signifika simu mós responsabilidade boot ida. Iha tempu susar ne’ebé de’ it, ha’u hein katak membrus governu mak sakrifika-an uluk, no dada ema atu servisu maka’as, hatene haraik-an hodi rona no kompreende saída mak ita-nia sidadaun sira hakarak, liu-liu sira ne’ebé kbiit la’ek. Importante tebes hatán ba sira-nia hakarak. iha razaun atu iha esperansa”, hateten Prezidente da Republika, iha palacio prezidensia 29/05.

Lu-Olo haktuir ita-nia país oras ne’e daudaun, tau atensaun liuliu ba luta hasoru vírus Corona, ita luta hasoru moras ne’e,  luta ida ne’e hala’o iha mundu tomak. Ita tenke konxiente katak pandemia ida nee afeta mundu tomak. Covid-19 hada’et  ona ba ema besik tokun neen no hamate ona ema besik  rihun atus haat, maibé to’o agora la iha ema ida, nein komunidade sientífika, bele prevé bainhira mak pandemia ne’ e hotu.

Xefe Estadu nee mos hateten estadu no sosiedade fó liman ba malu, hodi kombate kalamidade públika ida ne’e. Ho partisipasaun hotu-hotu nian, ita konsege duni evita moras Covid-19 hadaet ba komunidade no nune ema ida la mate ho moras ne’e iha ita-nia rain.

Prezidente Repúblika liuhusi Dekretu Prezidente, númeru 39/2020, nomeia Vise Primeira-Ministra Armanda Berta dos Santos, Ministru ba Prezidénsia Konsellu Ministru Fidelis Manuel Leite Magalhāes, Ministru ba Assuntu Parlamentares no Komunikasaun Sosiál , Francisco Martins da Costa Perreira Jerónimo, Ministru Finansas Fernando Hanjam, Ministru Administrasaun Estatal Miguel Pereira de Carvalho, Ministra Saúde Odete Maria Freitas Belo, Ministru ba Assuntu Kombatentes Libertasaun Nasionál Júlio Sarmento da Costa ‘Meta Mali’, Ministru Agrikultura no Peskas Pedro dos Reis.

Print Friendly, PDF & Email

LEAVE A REPLY

Please enter your comment!
Please enter your name here