Home Notisia Labarik Feto Barak La Seguru Sae Transporte Publiku, Elvina: Obrigasaun Governu Tenke...

Labarik Feto Barak La Seguru Sae Transporte Publiku, Elvina: Obrigasaun Governu Tenke Konsidera

1952
0
Deputada Bankada Partidu Demokratiku, Elvina Carvalho. [Foto: Copyright FB | 16.04.2020]

Reportazen Francisco JDA

Parlamentu Nasional halao diskusaun konaba projetu resolusaun no.42/V(2) konaba medidas prevensaun no kombate violensia kontra asediu sexual hasoru feto iha transporte publiku.

Liu hosi plenaria proponent ba resolusaun refere, Deputada Elvina Carvalho hateten resolusaun ne’e importante tebes, tanba koalia kona ba oinsa atu prevene no kombate violensia kontra feto, inklui asedu sexual ne’ebe akontese iha transporte públiku.

“Ema ne’ebe mak uza transporte públiku, hau hanoin katak realidade ida ne’e akontese katak labarik feto no maluk feto ne’ebe mak sae transporte públiku la seguru, tur fatin la seguru depois dalaruma iha kareta laran akontese buat ruma ne’ebe mak la merese atu akontese, dalaruma kolega feto sira ne’ebe ho minoridade barak liu mak hetan esperiénsia la diak, hanesan esperiénsia sira ne’e mak hanesan halo sira traumatizadu atu bele sae transporte publiku, maibe la iha obsaun seluk tanba ne’e meius ida deit, sira uza atu bele utiliza ba eskola ka ba ne’ebe deit”, hatete Deputada Elvina Carvalho iha Parlamentu Nasional, 12/10

Deputada Elvina Carvalho dehan bele konsidera asediu sexual ne’ebe akontese iha transporte públiku, dalaruma halo labarik sira traumatizadu no fo mos impaktu. Ne’e obrigasaun hosi governu, ho projeitu resolusaun ida ne’e bele mos fo atensaun maximo hosi governu no tau ona konsiderasaun katak transporte públiku tenki seguru duni ba labarik feto sira no maluk hotu ne’ebe uja transporte públiku.

Iha Fatin  hanesan deputada Lidia Norberta  hanesan proponente mos, iha intervensaun hateten katak fatin uma mahon balun ho ezemplu iha Salele-Suai ne’e halo atendimentu ba vítima sira, hosi parte Costa Sul-Ainaro no Same hare katak distánsia ne’e dook, kondisaun limitadu iha Ministeriu Soliedariedade Sosial no Inkluzaun no Ministériu Saúde.

Deputada Lidia rekomenda ba governu kria tan kondisaun, liuliu aumenta tan verba ba iha fatin uma mahon sira no halo sensibilizasaun hodi hametin liu tan,  hodi bele kobre ba vitima barak.

LEAVE A REPLY

Please enter your comment!
Please enter your name here