Reportajen Silvino Freitas
Movimentu Foinsa’e Atsabe (MOFA) preokupa ho kondisaun estrada neebe liga ba postu Atsabe neebe dadaun nee grave tebes difikulta komunidade neebe atu lori sira nia produtu ba merkadu hodi hetan osan selu oan sira nia eskola no nesesidade lorloron nian, tanba nee sira lakohi ona promesa konaba lansamentu nian tanba hafoin lansamentu iha fulan 4 liu ba too dadaun nee sira la hetan aspal metru ida iha munisipiu ermera maibe estrada hirak nee aumenta grave hodi difikulta populasaun sira nia viajen.
Portavoz MOFA Agostinho Gomes dehan, dadaun nee estrada sai preokupasaun tebes ba povu atsabe tanba antes nee komunidade sira ne’ebé uza transporte públiku diariamente iha tinan-ida ba kotuk, viajen hosi Díli ba Atsabe ka hosi Atsabe mai Díli normalmente presiza de’it oras 5 to’o 6, maibé, tanba estrada ne’ebé aat ba bebeik no difikulta transporte, agora povu tenke presiza oras 12 to’o 14 antes to’o ba sira-nia destinasau, tanba nee situasaun ida-ne’e la merese ba povu, tanba povu lakon tempu produtivu, enfrenta risku boot durante viajen naruk ne’ebé tenke hala’o iha kondisaun estrada ne’ebé aat, nune’e preokupasaun ne’e sai grave liu tanba kustu transporte mos auménta aas ba bebeik.
“Antes ne’e komunidade sira selu de’it $5 ida-idak atu viazen ba Atsabe agora, tanba kondisaun estrada ne’ebé aat no kustu operasionál ne’ebé auménta ba transporte-sira, tarifa transporte sa’e to’o $17” dehan Portavoz MOFA Agostinho Gomes ba jornalista sira liuhusi konferensia imprensa iha jarndin 5 de maio, (29/05).
Portavoz MOFA Agostinho Gomes, konsidera katak realidade ida-ne’e la’os apenas problema tékniku ka manutensaun estrada de’it maibe hanesan problema povu nian neebe gasta tempu no osan barak liu hodi asesu merkadu, eskóla, ospitál no servisu públiku sira, ne’e hatudu katak dezenvolvimentu ne’ebé partidu polítiku promete ba povu iha tempu kampaña ne’e nu’udar oportunidade hodi rekoilla votus, nune’e sira husu ba Governu Sentrál, Ministériu Obras Públikas, MPIE, Governu Munisipál Ermera no autoridade relevante sira atu lalais implementa medida konkretu hodi konsrtui estrada Ermera–Atsabe imediatamente.
“Povu lakohi tan promessa polítika ka serimónia lansamentu ne’ebé la lori mudansa real ba povu-nia moris povu presiza rezultadu konkretu no asaun ne’ebé bele sente diretamente, la’os hela deit ho lema promesa sei la bosok, MOFA lakon esperansa ba kapasidade Sr. Xanana Gusmao, atual Primeiru Ministru ho nia elementu Sr. Gastao Sousa, no Samuel Marcal tanba governa governu ba periodu barak maibe kondisaun povu munisipiu Ermera hakdasak nafatin” dehan Portavoz MOFA Agostinho Gomes.
Fatin hanesan, estudante Maudasi husi postu Atsabe reforsa, iha loron 26 fulan janeiru governu municipal no nasional organiza malu halo lansamentu iha fatin rua neebe halo sira povu ermera kontente tebes maibe liu deit loron hira partidu CNRT halo konsulidasaun iha ermera ho esperansa ba lansamentu nee povu sira husi aldeia too suku tuir hotu konsulidasaun, maibe liu ona fulan haat atu ba lima maibe seidauk hetan aspal metro ida, nunee liuliu povu husi postu atsabe depende hotu ba negosiu iha merkadu nunee ho kondisaun estrada neebe dadaun nee sira infrenta estudante atsabe oan infrenta problema ekonomia.
“semana kotuk aman ida desidi lao ain husi Baboe kraik too Gleno tanba nia oan presiza nesesidade urjensia, dadaun nee karreta sira halai fali ona maibe iha orseik ba kotuk karreta sira la halo movimentasaun problema boot ba ami povu ermera” dehan estudante Maudasi husi postu Atsabe.
Maudasi dehan tan, tempu ba konstrusaun estrada gleno letefoho sira tau durasaun loron 365 depois sira hadia ba 881 maibe hadia prazu tempu konstrusaun nee mos la partisipa povu nunee sira hatene mak loron ida antes nee termina on aba prazu kontrusaun dahuluk nunee fulan 4 ona liha konstrusaun ruma, tanba nee sira hatene diak kondisaun estrada neebe dadauk nee difikulta hela sira iha munisipiu ermera no antes nee iha fulan kotuk SEATOU organiza ekipamentu pezadu konstrusaun hodi lori ba gleno nunee halo sira kontente tebes maibe too dadaun nee sira seidauk hetan konstrusaun metro ida maibe estrada sira aumenta grave kada loron.
