Home Notisia Relatoriu Chega! Konaba Ema Difisiensia, Mafalda: Labele Halo Diskriminasaun Ba Feto Difisiensia

Relatoriu Chega! Konaba Ema Difisiensia, Mafalda: Labele Halo Diskriminasaun Ba Feto Difisiensia

534
0
Diretor Executivu CNC no Diretor ADTL iha Centro Chega!. [Foto: Francisco JDA |30.09.2020]

Reportazen Francisco JDA

“Matadalan ida ba serbisu ne’ebe mak aban bainrua entre asosiasaun difisente no Centro Chega! halo tanba iha rekomendasaun balun hosi relatorio Chega!  iha relasaun direitamente ho ema Timor sira ne’ebe  mak sai tiha difisiente tanba konflitu pasadu nian”. Hugo Fernandes

Centro Nasional Chega! (CNC) no Asosiasaun Difisensia Timor-Leste (ADTL) organiza kolokiu ida hodi introduz CNC nia mandatu, inklui fahe mos informasaun relatorio Chega no Comisaun Verdadeiro Amizade (CVA), ba maluk difisente sira, ho objetivu  atu halo indusaun no partilha  ho ADTL, hodi hatene saida mak politika governun nian, ba sidadaun sira liuliu maluk difisiente sira no sei hare mos kona ba kria parseria CNC ho ADTL, nune’e ikus mai bele apoio ema difisente sira.

Diretor Exekutivu CNC, Hugo Maria Fernandes ba jornalista sira hateten CNC halao nia mandatu tinan 3 ona, hahu hosi 2017 no halo parseria ho linha ministeria oinoin hanesan Ministeriu Edukasaun, Ministeriu Solidariedade Sosial Inklusaun, PDHJ no sei halo mos parseria ho ADTL rasik.

“CNC halo parseria ho Ministeriu Solidariedade Sosial, sai nudar matadalan ida ba serbisu ne’ebe mak aban bainrua entre asosiasaun difisente no Centro Chega! halo tanba iha rekomendasaun balun hosi relatorio Chega!  iha relasaun direitamente ho ema Timor sira ne’ebe  mak sai tiha difisente, tanba konflitu pasadu nian”, hateten Diretor Hugo Maria Fernandes iha Centro Chega! Balide 30/09.

Nia dehan to’o agora Centru Nasional Chega! sei iha apoio konkreta ida husi Centru Chega ba Asosiasaun Difisente Timor-Leste, enkontru dahuluk nian bele hare took saida mak CNC bele halo hamutuk ho ADTL.

Iha Fatin hanesan maluk ho difisiensia matan, Mafalda Fernandes Gusmao Ba Neon Metin husu maluk feto ho difisensia sira katak tempu to’o ona atu inklusivu, ne’e duni labele subar iha fatin maibe oinsa halibur hamutuk ho komunidade, loke espasu ba an rasik nune’e bele hamutuk maun alin sira ne’ebe la ho difisensia luta ba dezenvolvimentu.

“Dalabarak ema sei hare ita difisensia ne’e hanesan karidade, maibe oinsa fo espasu atu nune’e ita bele koalia kona ba asuntu, tanba difisente ne’e hanesan cros cuting isu, ne’e duni mai ita luta hodi hasoru injustica no diskriminasaun ne’ebe dadaun ne’e mosu iha ita nia komunidade”, hateten Mafalda

Nia husu ba maluk feto sira labele subar-an, maibe oinsa fo espasu ba ita, nune’e bele serbisu hamutuk

Nia mos husu ba familia ema ho difisente nian labele halo diskriminasaun ba maluk feto difisensia, maibe fo oportunidade ba sira tanba laos deit hein kuitadu, maibe presiza oportunidade para nune’e bele hasoru dezafiu no obstakulu iha futuru.

Print Friendly, PDF & Email

LEAVE A REPLY

Please enter your comment!
Please enter your name here