Home Notisia Konsellu Estadu no KSDS Rekomenda Prezidente Republika Extende EE Ba Dala 6

Konsellu Estadu no KSDS Rekomenda Prezidente Republika Extende EE Ba Dala 6

372
0
Xefe Casa Sivil, Francisco Vasconcelos. [Foto: Santina Lucia da Costa | 30.09.2020]

Reportazen Santina Lucia da Costa

Relasiona ho renovasaun Estadu Emerjensia (EE) liuhusi rezultadu enkontru Konsellu Estadu (KE) ho Konsellu Superior Defeza no Seguransa (KSDS) apoiu atu extende tan Estadu Emerjensia ba dala neen.

Ba jornalista sira Xefe Casa Sivil, Francisco Vasconcelos  informa reuniaun Konsellu Superior Defeza no Seguransa (KSDS) no reuniaun Konsellu Estadu (KE) rekomenda ba Prezidente Republika, atu haruka pedidu governu nian ba Parlamentu Nasional, atu husu extende tan Estadu Emerjensia ba dala neen.

“Medidas hotu hanesan ida pedidu uluk, soke iha fronteira maka iha restredu liu tan, atu prevene para tama sai ilegal sira ne’e no mos kuidadu tebes ita nia sidadaun sira, atu labele hadaet moras ne’e no mos medidas ba kuarentena mos sei restredu liu tan. Ne’e mak desizaun husi KE ho KSDS. Posivelmente ohin ka aban haruka ona pedidu ba Parlamentu Nasional.” Hateten Xefe Casa Sivil, Francisco Vasconselos iha Palasiu Prezidensial, Nicolau Lobato Aitarak-Laran, 30/09.

Hafoin Prezidente Republika, Dr. Francisco Guterres Lu-Olo rona ona opiniaun husi membrus Konsellu Superior Defeza no Seguransa (KSDS) no Konsellu Estadu (KE) haree katak presiza halo duni renovasaun Estadu Emerjensia. Prezidente Republika sei husu autorizasaun husi Parlamentu Nasional liuhusi mensajen ida, karik Parlamentu Nasional aprova, Prezidente Republika sei dekreta renovasaun Estadu Emerjensia liuhusi dekretu prezidensial.

Membru  sira ne’ebé halo parte Konsellu Estadu mak Prezidente Repúblika, Dr. Francisco Guterres Lú Olo, Eis-Prezidente Repúblika Xanana Gusmão, Eis-Prezidente José Ramos-Horta, Eis-Prezidente Repúblika no atuál Primeiru-Ministru Jeneral Taur Matan Ruak,  Prezidente Parlamentu Nasionál Aniceto Longuinhos Guterres Lopes.  Halo parte mós Konsellu ne’e  membru sira nomeadu husi Prezidente Repúblika mak Óscar Lima, Alcino de Araújo Barris, Maria Dadi Soares Magno, Laura Soares Abrantes no Faustino da Costa. 

Husi Parlamentu Nasionál mak Eduardo de Deus ‘Dusae’, Aurora Ximenes, José Cornélio Guterres, Árcangelo de Jesus Gouveia Leite no  José dos Santos ‘Naimori Bucar’.

Entretantu, Membru  sira ne’ebé halo parte Konsellu Superior Defeza no Seguransa mak Prezidente Repúblika Francisco Guterres Lú Olo, Primeiru-Ministru no Ministru Interiór Taur Matan Ruak, Ministra Negósius Estranjeirus no Kooperasaun  Maria Adalzija Magno, Ministru Defeza Filomeno Paixão, Ministru Justisa Manuel Cárceres, Xefe Estadu Maior Jeneral F-FDTL Lere Anan Timur, Komisáriu PNTL Faustino da Costa no Diretór Jerál Servisu Nasionál Intelijénsia Manuel Serrano. Halo mós parte iha Konsellu ne’e,  membru sira nomeadu  husi Parlamentu Nasionál: Adérito Hugo da Costa, David Dias Ximenes, Abel Pires da Silva. Membru sira nomeadu husi Prezidente Repúblika mak José Manuel Fernandes ‘Nakfilak’ no Cristina da Silva.

Print Friendly, PDF & Email

LEAVE A REPLY

Please enter your comment!
Please enter your name here